Yilinga 7:23 - MUKANDA USANDU WA ZAMBI 1975

²³ Muze apwile ni makumi awana a miaka pundu, chejile ku mbunge yenyi kumeneka usoko wenyi ana a Izalele.

Mukanda Wa Zambi 1970

²³ “Muze hazukisa miaka makumi awana, Mose yanyonga kumeneka usoko wenyi Aisraele.

Yilinga 7:23 Iomraidhean Croise

2 Sango Ja Mianangana 30:12

Ni mu Yunda nawa Zambi yaaha mbunge yimuwika akalinge nikulita ni liji lia mwanangana ni alemu, ku liji lia Yehova.

Ezra 1:1

Ha mwaka utangu wa Siru mwanangana wa Persia, hanga liji lia Yehova ku kanwa lia Jeremia likamanunuke, Yehova yasangumuna mbunge ya Siru mwanangana wa Persia akasanyike mutambi ndusu mu wanangana wenyi weswe. Yausoneka nawa ngwenyi,

Ezra 1:5

Henaho akwa lutwe mu minyachi ya atato a Yunda ni Mbenjamine yakatuka, ni asasendote, ni A-Levi, waze eswe Zambi hasangumuna mbunge jo akaye akatunge zuwo lia Yehova lili mu Yerusaleme.

Ezra 7:27

Yehova akafumane, mwe Zambi ya tulamba twetu yoze wasele chuma chino mu mbunge ya mwanangana, akawahise zuwo lia Yehova mu Yerusaleme.

Kutuhuka 35:21

Mba atu eswe, mutu mweswe mbunge yenyi yinazange, Spiritu ya kutá ali nayo yaya, yatwala mulambu wa Yehova, ukapwe wa milimo ya ku mbalaka ya chikungulwila, ni wa uvumbiko weswe wayo, ni wa mazalo asandu.

Kutuhuka 35:29

A-Izalele yatwalila Yehova mulambu wa vumbi, lunga mweswe, pwo mweswe mbunge jo jatayile mukutwala ha milimo yeswe yize ambile Yehova akayilinge ku kwoko lia Mose.

Kutuhuka 4:18

Mose yahiluka kuli tato-weno Yetoru Yamba kuli iye ngwenyi, Ungutayize kama ngukahiluke kuli akwetu mu Engitu, ngukatale shina achili ni mwono nyi ka. Yetoru yamba kuli Mose ngwenyi, Uye kanawa

Kutuhuka 7:7

Muze o ahanjikile ni Falau Mose wapwile ni makumi nake a miaka ni Arone makumi nake a miaka ni miaka yitatu.

Yishima 21:1

Mbunge ya mwanangana yapwa mu kwoko lia Yehova ngwe chitwetwe cha meya, kakuyitalikisa kweswako mazanga.

Yilinga 15:36

Kulutwe lia matangwa amwe, Paulu wambile kuli Mbarnavwe ngwenyi, Tuhiluke, tukameneke mandumbu jetu mu membo eswe kuze twambujolele liji lia Mwene, tukatale chize anapu.

Yilinga 7:24

Iye, ha kumona umwe amulingile chipi, waakandunwine, wakalile yoze wamwene lamba, walambile Ka-Engitu.

2 Korintu 8:16

Alioze tusakwilenu kuli Zambi yoze wasele mu mbunge ya Titu kulipupwisa chimuwika hali yenu.

Tiangu (Jake) 1:17

Kuhana cheswe chipema ni yawana yeswe yingunu kuyakuhulumuka kwilu, kuli mwe Tato ya pangu, muli iye kumushi kwalumuka, chipwe Chizulie cha kutewuluka.

Usolwelo 17:17

Mumu Zambi wasele mu mbunge jo mukulinga upale wenyi, mukulikunda ni mbunge yimuwika, mukuhana wanangana wo kuli ngongo, ndo maliji a Zambi mamanunuka.