Yilinga 7:2 - MUKANDA USANDU WA ZAMBI 1975

² Eshetevau wambile ngwenyi, Mandumbu ni atata, ivwenu ngwami, Zambi ya uhenya wasolokele kuli kulwetu Apalahama, muze apwile mu Mesopotamia, shimbu kanda atwama mu Ha-rane,

Mukanda Wa Zambi 1970

² Neye yakumbulula ngwenyi: “Akwetu ni atata, achivwenu! Zambi ya uhenya waswekelele kashakulu ketu Abrahama muze atwamine mu chifuchi cha Mesopotamia, shimbu te kanda achiza ni kutwama mu limbo lia Harane.

Yilinga 7:2 Iomraidhean Croise

Ubutukilo 11:31

Mba Tera yatwala mwanenyi Apalama, ni Lote mwana wa Harane mujikulu wenyi, ni Serai tembwa-mwanenyi pwo lia mwanenyi Apalama. Yaya no akatuke ku chifuchi cha Ure wa Kaletea akaye ku chifuchi cha Kanana yeza ku Harane, yatwamako.

Ubutukilo 12:1

Yehova te hamba kuli Apalama ngwenyi, Katuka ku chijima che, ni kuli usoko we, ni kuli akwa zuwo lia tatenu, uye ku chifuchi mungukulwezacho.

Ubutukilo 12:5

Apalama yatwala hamwe nenyi mukwo-pwo Serai, ni Lote mwana wa yayo ni upite weswe haupita, ni atu eswe aze haliwezela mu Harane. Chocho yakatuka akaye ku chifuchi cha Kanana, mba ku Kanana yaheta.

Ubutukilo 15:7

Yamwamba ngwenyi, Yami nguli Yehova, nakuchijile ku Ure ya A-Kaletea ngukwehe chifuchi chino cha chihinga.

Ubutukilo 29:4

Yakomba yamba kuli ayo ngwenyi, Akwetu ku mahienu kulihi? O yamba ngwo, Tuli akwa Harane.

Nehemia 9:7

Yena uli Yehova, mwe Zambi. Watongwele Apalama; wamuchijile ku Ure ya A-Kaletea nikumwaha jina lia Apalahama.

Miaso (Masamu) 24:10

Yono Mwanangana wa ulemu iya? Yehova-wa-Tujita, iye mwe mwanangana wa ulemu (Litulike.) Samu lia David.

Miaso (Masamu) 24:7

Enu yajilo! hetulenu mitwe yenu, hetukenu enu mapito a mutolo; mba Mwanangana wa ulemu kumanjila.

Miaso (Masamu) 29:3

Liji lia Yehova linahiohio ha meya; Zambi ya ulemu kanakulunguza; Yehova kanahiohio ha meya anji.

Izaya 37:12

Mazambi a mavungu te hanaapulula, waze atata hanonwona, ngwami, Ngozane, ni Harane, ni Rezefa, ni ana ja Endene waze apwile mu Telasare?

Izaya 51:2

Talenu kuli kalamba kenu Apalahama, kuli Sara yoze wanusemene, mumu shimbu te achili umuwika namusanyikine, namuwahishile, namupwishile anji.

Izaya 6:3

Umwe watambikile kuli mukwo ni mukwo ngwo, Yehova-wa-Tujita aye musandu, musandu, musandu. Hashi heswe hanazala ni uhenya wenyi.

Mateu 6:13

Kanda ukatutwala kama ku cheseko, alioze tupulule kama kuli mwe mupi. Mumu we wanangana, ni je tachi, ni we uhenya, yeswe niye ndo ku miaka yeswe. Amene.

Luka 2:14

Uhenya kuli Zambi mwilu mwahiana, Hano hashi sambukila hakachi ka atu akumuwahila.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 12:41

Yino yuma ambile Izaia, mumu wamwene uhenya wenyi; wahanjikile ha kutwala kuli iye.

Yilinga 22:1

Mandumbu ni atata, ivwenu haliapwila kulisambisa chami kuli yenu.

Yilinga 23:7

Muze te hamba chino, kwapwile Chizungozungo hakachi ka A-Fwariseu ni A-Satuseu; chizavu ahandunukine.

Yilinga 7:1

Sasendote mukwa lutwe wambile ngwenyi, Yino yuma chocho yapwa, nyi?

1 Korintu 2:8

Aze niumwe wa kuli miata ja mwakono kaanyingikineko, mumu kachi aanyingikine, kachi kahachilile ha kulusu Mwene wa uhenya.

Efesu 1:17

hanga Zambi ya Mwene wetu Yesu Kristu, Tato ya uhenya, akanwehe spiritu ya mana ni usolwelo mu yinyingi yeswe ya iye;

Titu 2:13

nikutwaminyina kutalatala chize chawaha, ni usolokelo wa uhenya wa Zambi yetu munene kanda Chilamwina Yesu Kristu;

Hebreu 1:3

Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.

Hebreu 11:8

Ku Ufulielo Apalahama, muze amutambikile, wononokene kukatuka mukuya kuma kuze matambula ha chihinga; mba wakatukile, chipwe kanyingikine kuze maya.

Tiangu (Jake) 2:1

Mandumbu jami, kanda nukapwa ni katonde hamwe ni Ufulielo wa Mwene Yesu Kristu, mwe Mwene wa uhenya.

Yoshua 24:2

Yoshua yamba kuli atu eswe ngwenyi, Yehova Zambi ya Izalele kanambe ngwenyi, Tulamba twenu ha shakulu atwamine mu sali lia Ufrateze, ngwami, Tera tato ya Apalahama ni ya Nehore. Alingilile mazambi akwo.

Usolwelo 4:11

Yena kuwatela, Mwene wetu kanda Zambi yetu, kutambula uhenya ni ulemu ni tachi, mumu yena watangile yuma yeswe, ni mumu ha upale we yapwile, yatangiwile.