Yilinga 7:17 - MUKANDA USANDU WA ZAMBI 1975

¹⁷ Alioze shimbu mwaka wa chilakenyo muuchikundama, chize alakenyene Zambi kuli Apalahama, atu asemanganyine, okele mu Engitu.

Mukanda Wa Zambi 1970

¹⁷ “Alioze, muze mwaka wa chilakenyo cha Zambi kuli Abrahama hiwabwa hakamwihi, atu jetu te hooka kuhiana mu Egiptu.

Yilinga 7:17 Iomraidhean Croise

Ubutukilo 47:27

Mba A-Izalele atwamine mu Engitu mu chifuchi cha Ngoshone. Apichilemo upite wunji, asemene chikolo, okelele kuhiana.

Kutuhuka 1:20

Zambi walingile ni vumbi kuli yifunguji. E atu okele, akanganyine.

Yilinga 13:17

Zambi ya atu ano A-Izalele watongwele tulamba twetu, waanangamishine muze atwamine njize mu chifuchi cha Engitu, iye ni kwoko lia kwolola waatwalile haze liacho.

Yilinga 7:6

Zambi wahanjikile Chichino ngwenyi, Munyachi we muukapwa njize mu chifuchi cha mbala, makaapwisa ndungo, makaalinga chipi, kulakaji awana a miaka.