Yilinga 6:5 - MUKANDA USANDU WA ZAMBI 1975

⁵ Liji lino Kapemenene chizavu cheswe: mba atongwele Eshetevau, lunga wa tò ni Ufulielo ni Spiritu Musandu, ni Fwilipe, ni Prokoru, ni Nikanore, ni Timau, ni Parmena, ni Nikolau, mukwa kutayiza wa ku Andiakia;

Mukanda Wa Zambi 1970

⁵ Maliji wano yaawahisa mbunga yeswe. No yaasakula Estevau (Etienne), mutu yoze te unazala ni Mwiku wa Linanga, mukwa kufuliela wamwenemwene. Yaatongola nawa Filipe, ni Prokoru, ni Nikanore, ni Timone, ni Parmena, ni Nikalau, wa ku limbo lia Antiokia, mukwa vungu likwo yoze watayijile longeso lia Ayuda.

Yilinga 6:5 Iomraidhean Croise

Ubutukilo 41:37

Chuma chino chapemenene ku meso ja Falau ni ku meso ja atu jenyi eswe nawa.

Yishima 15:1

Kumbululo ha vumbi kuliakuchinda ufwatulo; ahoze liji lisasu kuliakusangumuna utenu.

Yishima 15:23

Lunga kakuwahilila ni kumbululo lia kanwa lienyi. Liji lia ha ola ya kulita, kuwahalio.

Mika 3:8

Alioze ha kutwala kuli yami hananguzalisa ni tachi, ni Spiritu wa Yehova, ni ululi, ni ndundo, ngukalumbunwine Yakomba uvulumunyi wenyi ni kuli Izalele shili yenyi.

Mateu 23:15

Lamba lienu, akwa kusonyeka ni A-Fwariseu, yilembese! mumu nwakujinga kalungalwiji ni hashi homu mukutayisa kambaji umuwika; ni muze hatá, nwakumupwisa mukwa Heteze yisuho yiali kuhiana yenwene.

Yilinga 11:19

Achi, waze amwanganyine ha luyinda yoze wapwile mumu hali Eshetevau, apalikile ndusu mu chifuchi ndo ku Fwenishia, ni Saipulu, ni Andiakia, kahanjikile liji kuli hiumwe shina kuli A-Yunda wika.

Yilinga 11:20

Alioze apwile amwe a kuli ayo, malunga a ku Saipuru ni a ku Sairene, muze ahetele ku Andiakia, ahanjikile kuli A-Ngresia nawa, nikwambujola sango lipema lia Mwene Yesu Kristu.

Yilinga 11:22

Ni liji lia kutwala kuli ayo liahetele ku matwi ja chikungulwila chize chapwile ku Yerusaleme; o atumine Mbarnavwe akaye ndo ku Andiakia.

Yilinga 11:24

Mumu wapwile mutu mupema, wazalile tò ni Spiritu Musandu ni Ufulielo, ni mbunga yinene aliwezele kuli Mwene.

Yilinga 11:26

muze te hamuwana, wamutwalile ku Andiakia. Mba ha mwaka wa muwundu akungulukile hamwe ni akwa chikungulwila, nikulongesa mbunga yinene; ni ku Andiakia hatangu alukile tumbaji ngwo, Akwa Kristu.

Yilinga 11:27

Achi, ha matangwa ano aprofeta akatukile ku Yerusaleme nikupalumuka ku Andiakia.

Yilinga 13:1

Achi, kwapwile mu Andiakia, mu chikungulwila chize chapwileko, aprofeta ni alongeshi, Mbarnavwe, ni Semone, yoze uli ni jina likwo ngwo, Naijere, ni Luseu Ka-Sairene, ni Manaene, yoze amulelele hamwe ni nguvulu Heronde, ni Saulu.

Yilinga 15:22

Hohene chapemenene apostolo ni makulwana, hamwe ni chikungulwila cheswe, kutongola malunga hakachi ko, ni kwatuma ku Andiakia hamwe ni Paulu ni Mbarnavwe. Atumine Yunda, jina lienyi, Mbarsavwa, ni Saila, akwa lutwe hakachi ka mandumbu;

Yilinga 2:4

O eswe azalile tò ni Spiritu Musandu, aputukile kuhanjika mu malimi eka, ngwe Spiritu waahele kuhanjika.

Yilinga 21:8

tangwa likwo twakatukile, twahetele ku Sesarea; twanjilile mu zuwo lia Fwilipe, mukwa kwambujola sango lipema, iye wapwile umwe wa kuli e shimbiali, mba twatwamine hamwe nenyi.

Yilinga 22:20

Muze amwangine manyinga ja chela che Eshetevau, yami nawa te ngunamanako, nikuchitayiza, nikufunga mazalo ja waze amushihile.

Yilinga 6:10

O kahashile kulimika ni mana ni Spiritu yoze wahanjikile nenyi.

Yilinga 6:3

Kashika mandumbu, fupenu hakachi kenu malunga shimbiali, akwa Shindakenyo, a tò ni Spiritu Musandu ni mana, aze mutwasela ku milimo yino.

Yilinga 6:8

Mba Eshetevau, wa tò ni vumbi ni tachi, walingile yipekesa ni yilayi yinene hakachi ka atu.

Yilinga 7:1

Sasendote mukwa lutwe wambile ngwenyi, Yino yuma chocho yapwa, nyi?

Usolwelo 2:15

Chocho yena nawa uli no waze akulalaminya ku longeso lia A-Nikoleta chizechene.

Usolwelo 2:6

Alioze chino uli nacho, wakupihilila ni yitanga ya A-Nikoleta, yize ni yami nawa nakupihilila nayo.