Yilinga 6:4 - MUKANDA USANDU WA ZAMBI 1975

⁴ Alioze yetu mutunyongonona kulemba ni ku uvumbiko wa liji.

Mukanda Wa Zambi 1970

⁴ Alioze yetu mutunyongonona mu kulemba ni kulongesa liji lia Zambi.”

Yilinga 6:4 Iomraidhean Croise

Luka 1:23

Muze matangwa a kulingila chenyi amanunukine, wahilukilile ku zuwo lienyi.

Yilinga 1:14

Wano eswe anyongonwene ni mbunge yimuwika ni kulemba ni kuliumba, hamwe ni mapwo, ni Maria, naye ya Yesu, ni hamwe ni anakwo.

Yilinga 2:42

O anyongonwene mu longeso lia apostolo, nikuliendela, ni upatwilo wa mbolo, ni kulemba.

A-ROMA 1:9

Mumu Zambi iye chela chami, yoze nakumulingila ni spiritu yami mu sango lipema lia Mwanenyi, ngwe nakunuvulwoka mu yilemba yami nikulitwamina nichimwe;

1 Korintu 9:16

Mumu kachi mungwambujola sango lipema, kachi chishi nacho nichimwe cha kulisamba nacho; mumu hanase chiteli hali yami; mumu lamba kuli yami, kachi chishi kwambujola sango lipema.

Filipu 1:4

Matangwa eswe ha kuliumba chami cheswe nakuliumba hali yenu eswe ni uwahililo,

Kolosu 2:1

Mumu ngunazange yenu nunyingike ngwe nakulitachika chikolo hali yenu, ni hali waze ali mu Laotisea, ni hali waze eswe kangumwene ku meso,

Kolosu 4:12

Mukwenu Epafwa, ndungo ya Kristu Yesu, kananumeneka, matangwa eswe nikulitachika chikolo hali yenu mu yilemba yenyi, hanga nukamane ngú, angunu, akwa kulisela chinyingi liakulu mu upale wa Zambi.

Kolosu 4:17

Nukambe kuli Arkipu ngwenu. Kanyama ha uvumbiko uze hiunatambula muli Mwene, hanga ukaumanunune.

2 Timoteu 4:2

ngwami, Ambujola lie Liji, hondangana nalio ha mwaka upema, ni haze hi mwaka upema ko; kumika, ámbila, shinjila, ni uhomboloji weswe ni longeso lieswe.