Yilinga 6:14 - MUKANDA USANDU WA ZAMBI 1975

¹⁴ Mumu twamuvwile nikwamba ngwenyi, Yono Yesu Ka-Nazare kumakonwona kuma kuno, iye kumakalumuna ndako jize atukunjikile Mose.

Mukanda Wa Zambi 1970

¹⁴ Hitunamwivu mamba ngwenyi: ‘Yesu yono, wa ku Nazare, makonona zuwo lino lia Zambi ni kwalumuna Shimbi jize atuhele Mose.’ ”

Yilinga 6:14 Iomraidhean Croise

Izaya 65:15

Munukahichika jina lienu ngwe shingo kuli waze naatongwele, mba Mwene Yehova makanushiha; alioze matuka tuvumbi twenyi jina lieka.

Jeremia 26:12

Henaho Jeremia yamba kuli alemu eswe ni atu eswe ngwenyi, Yehova wangutumine kuprofeteza kulimika ni zuwo lino ni chihunda chino maliji ano eswe hinwevwa.

Jeremia 26:18

Mika wa ku Morese yaprofeteza ha matangwa ja Hezekia mwanangana wa Yunda, nikwamba kuli atu eswe ja A-Yunda ngwenyi, Yehova-wa-Tujita kanambe ngwenyi, Zaione muyipwa ya kuchipa ngwe munda; Yerusaleme muyipwa mulumba wa yipuzu, ni mulundu wa zuwo ngwe mulundu umwe wa usaki.

Daniel 9:26

Kulutwe lia makumi asambano a semana ni semana jiali yoze amuwayishile ni maji mamutetaho, keshi nichimwe, mba atu ja mukwa kuyula yoze meza kwiza kumakonwona chihunda ni zuwo lisandu. Songo liayo mulikeza ngwe sanga; ndo ku songo kumukukapwa jita—hanaafunjikila kwenyeka wika.

Hosea 3:4

Mumu A-Izalele makatwama matangwa anji keshi mwanangana hanji mukwa kuyula; keshi chitapo hanji nguji; keshi efode hanji terafimi.

Mika 3:12

Kashika ha mukunda wa yenu Zaione muyikapwa ngwe munda wa kuchipa; Yerusaleme muyikalumuka mulumba wa yipuzupuzu ni mulundu wa lie zuwo muukapwa mulundu wa usaki.

Zakaria 11:1

Ena Lebano, azulula mapito je hanga kahia kakalalise misedru ye!

Zakaria 14:2

Mumu mungukakonga mavungu eswe akungulukile kulimika ni Yerusaleme ni jita. Makatambula che chihunda; makapupa mazuwo nikupikapika mapwo. Chihanda cha ha muchima cha chihunda muchiya ku unjize alioze masalila ja atu kechi kaateta ku chihunda.

Mateu 26:61

Ambile ngwo, Iye ngwenyi, Ngunahase kwonwona tembele ya Zambi ngukayitunge mu matangwa atatu.

Marku 14:58

Twamuvwile ngwenyi, Mungukonwona tembele yino ya kutunga ni moko, ni kulutwe lia matangwa atatu, mungukufunga yikwo yize kuyishi kulungiwa ni moko.

Luka 21:24

Kumakafwa ku lutwilo wa katana, kumakaatwala funge ku mavungu eswe; ni Yerusaleme kumakayiliata kuli akwa mavungu, ndo miaka ya akwa mavungu muyikamanunuka.

Luka 21:6

Ha kutwala ku yuma yino nunamono, matangwa kumakeza muze kechi kahichika kuno liwe nilimwe ha likwo, lize kechi kalipuzula.

Yoano 2:19

Yesu waakumbulwile ngwenyi, Onwonenu tembele yino, mba ha matangwa atatu mungukayihindwisa.

Yoano 4:21

Yesu yamba kuli iye ngwenyi, Pwo, ngufuliele, ola muyiza, muze chipwe hi mu mulundu uno ko, chipwe hi mu Yerusaleme ko, munukawayila mwe Tata.

Yilinga 15:1

Mba amwe atu a kukatuka ku Yundeya apalumukine kuze, o alongesele mandumbu ngwo, Kunwahashile kulilamwina shina manupwisa ngalami nikulita ni ndako ya Mose.

Yilinga 21:21

hanaambulwila ha kutwala kuli yena, ngwe wakulongesa A-Yunda eswe hakachi ka akwa mavungu kwehuka Mose, nikwakanjisa kupwisa ngalami ana jo, nikwakanjisa kwenda nikulita ni ndako ja A-Yunda.

Yilinga 25:8

Paulu ha kulisambisa, wambile ngwenyi, Chipwe shimbi ya A-Yunda, chipwe tembele, chipwe Sesare, chavulumwine nichimwe.

Yilinga 26:3

Kuhiana chikolo mumu te yena uli mukwa kunyingika ndako jeswe ni yihula yeswe ya A-Yunda: kashika ngunaliumbu kuli yenu, ungwivwe ni uhumikizo.

Yilinga 28:17

Kulutwe lia matangwa atatu Paulu watambikile waze apwile akwa lutwe a kuli A-Yunda, alikungulule. Muze akungamine, wambile kuli ayo ngwenyi, Yami, mandumbu, chipwe chalingile nichimwe cha kulimika ni atu, hanji ni ndako ja tulamba, hindu ku Yerusaleme amukunjikile funge ku moko ja A-Roma:

Galashia 3:19

Mba shimbi yaka? Ayiwezele mumu ha Utanguko, ndo we munyachi muwiza, yoze amuhele chilakenyo; ayikolesele kuli angelo, mu kwoko lia chitakanyishi.

Galashia 3:23

Alioze shimbu Ufulielo kanda wiza, atufungile kushi lia shimbi, nikutuyikila ku Ufulielo uze himausolola.