Yilinga 6:12 - MUKANDA USANDU WA ZAMBI 1975

¹² O avundwile atu, ni makulwana, ni akwa kusonyeka, yalundumuka hali iye, yamukwata, yamuneha kumeso ja akwa kuyula.

Mukanda Wa Zambi 1970

¹² Chenacho akatwishile mbunga ya atu, ni makulwana, ni alongeshi a Shimbi, yaalundumukina hali Estevau (Etienne), yaamukwata, mba yaamutwala ku meso ja Mbunga ya Ngaji ja Ayuda.

Yilinga 6:12 Iomraidhean Croise

Yishima 15:18

Chifwatulo kakusangumuna kuhamika, alioze yoze keshi kutenuka fuji kakuholesa vunda.

Mateu 26:57

Waze akwachile Yesu amutwalile kuli sasendote mukwa lutwe Kayafwa, kuze akungulukile akwa kusonyeka ni makulwana.

Mateu 5:22

Alioze yami ngunambe kuli yenu ngwami, Mweswawo matenuka ni mukwo matela upatwilo; ni mweswawo mamba kuli mukwo ngwenyi, Raka! matela upatwilo unene; ni mweswawo mamba ngwenyi, Yena chihepuke! matela upatwilo wa Ngehena ya kahia.

Luka 20:1

Ha tangwa limwe shimbu machilongesa atu mu tembele, nikwambujola sango lipema, asasendote akwa lutwe ni akwa kusonyeka hamwe ni makulwana ejile kuli iye.

Yilinga 13:50

Alioze A-Yunda akapwile pichi ja mapwo akwa uwayilo alemu, ni akwa lutwe a mu limbo, o avundwile yihungumiona hali Paulu ni Mbarnavwe, aambilile haze lia manjiza jo.

Yilinga 14:2

Alioze A-Yunda waze kononokene avundwile akwa mavungu nikwalumbula ha kutwala kuli mandumbu.

Yilinga 17:13

Alioze muze A-Yunda a ku Tesalonika anyingikine ngwo, Liji lia Zambi aliambujolele kuli Paulu ku Mberia, ayileko nawa, nikuvundula nikupinjisa mbunga.

Yilinga 18:12

Alioze muze Ngaliu apwile nguvulu ya Akeya, A-Yunda ni mbunge yimuwika akatukilile Paulu, nikumutwala ku chitwamo cha upatwilo,

Yilinga 21:27

Muze te matangwa shimbiali himamanunuka, A-Yunda a ku Eshia, muze amumwene mu tembele, avundwile mbunga yeswe, o amukwachile,

Yilinga 5:18

Akwachile apostolo, aasele mu zuwo lia ususu.

Yilinga 5:27

Muze te haaneha, aasele kumeso ja akwa kuyula. Ni sasendote mukwa lutwe waahulile ngwenyi,

Yilinga 6:11

Hohene akapwile amwe malunga akashindakenye mahuza, waze ambile ngwo, Hitunamwivu nikuhanjika maliji a kushililika Mose ni Zambi.