Yilinga 6:10 - MUKANDA USANDU WA ZAMBI 1975

¹⁰ O kahashile kulimika ni mana ni Spiritu yoze wahanjikile nenyi.

Mukanda Wa Zambi 1970

¹⁰ Alioze kaahashile ko kulimika nenyi, mumu yahanjika ni mana waze amuhele Mwiku wa Linanga.

Yilinga 6:10 Iomraidhean Croise

Jobe 32:18

Mumu kunazala tò ni maliji; spiritu muchima kanangushinjika.

Jobe 32:8

Alioze kumanyi, ye Spiritu ya mutu, mwiku wa Mukwa-Ndundo-Jeswe yakumwaha yinyingi.

Kutuhuka 4:12

Kashika haliapwila yako; mungukapwa ni kanwa lie; mungukakulongesa chize muhanjika.

Izaya 54:17

Nichimwe chikungo muchikawaha nyi hachifula kulimika ni yena. Kumukakumika limi lieswe lize lia kulimika ni yena ha kusopa. Yehova kanambe ngwenyi, Chenacho chihinga cha tuvumbi twa Yehova, chocho nakwasambisa.

Jeremia 15:20

Yehova kanambe ngwenyi, Mungukupwisa kuli wano atu ngwe chipanga cha unengu cha kukolesa. O masa jita ni yena, alioze kechi kukukumba. Mumu yami nguli hamwe ni yena kukulamwina ni kukupulula.

Ezekiel 3:27

Alioze muze munguhanjika ni yena mungupakula kanwa lie, ukambe kuli ayo ngwe, Mwene Yehova kanambe ngwenyi. Mweswe mevwa, akevwe; mweswe mapangula, apangule, mumu o kapwa munyachi wa yihulia.

Mika 3:8

Alioze ha kutwala kuli yami hananguzalisa ni tachi, ni Spiritu wa Yehova, ni ululi, ni ndundo, ngukalumbunwine Yakomba uvulumunyi wenyi ni kuli Izalele shili yenyi.

Luka 1:17

Kumakaya kulutwe lia meso jenyi ni spiritu ni tachi ja Eliya, mukutewulwila mbunge ja atato kuli ana, ni yihulia ku ukanyame wa akwa ululi; mukululikila Mwene amwe atu aalulikile.

Luka 21:15

Mumu kumungukanwaha kanwa ni mana, aze akwa kulimika ni yenu eswe kechi kahasa kuchinda chipwe kuhamika.

Yoano 7:46

Tupita akumbulwile ngwo, Mutu kahanjikile chocho niumwe mwaka.

Yilinga 5:39

alioze kachi chinakatuka kuli Zambi, kunuchi kahasa kuchonwona; kuchina hanji manuwana nunalitachika ni Zambi.

Yilinga 6:11

Hohene akapwile amwe malunga akashindakenye mahuza, waze ambile ngwo, Hitunamwivu nikuhanjika maliji a kushililika Mose ni Zambi.

Yilinga 6:9

Alioze kwakatukile amwe akwa sunangonga yize ya Libertino, ni amwe a kuli A-Serene, ni a kuli A-Alezandre, ni a kuli akwa Selishia, ni a ku Eshia, mukuhangulula ni Eshetevau.

Yilinga 7:51

Yenu nwakukala ni pami, nuli yilima ku mbunge ni ku matwi, yenu matangwa eswe nwakulinjika ni Spiritu Musandu; chizechene ngwe tulamba twenu, chocho ni yenu nawa nwakulinga.

1 Korintu 2:4

Liji liami ni kwambujola chami kuyapwile ni maliji a kukununa ni mana ja atu, alioze ni kukumika cha Spiritu ni tachi: