Yilinga 6:1 - MUKANDA USANDU WA ZAMBI 1975

¹ Achi, ha matangwa aze, tumbaji se hoka, kwapwile kulinyenyeta cha A-Ngresia hali A-Hepreu, mumu ahungwile twamishi jo a mapwo ha kupangila cha tangwa ha tangwa.

Mukanda Wa Zambi 1970

¹ Ha matangwa waze, muze tumbaji hooka kuhiana, Ayuda waze te akuhanjika liji lia greke yaaketeka waze te akuhanjika hebreu mumu mapwo jo, waze haanafwisa malunga, te keeshi kwakwasa ha kupangila cha tangwa ha tangwa.

Yilinga 6:1 Iomraidhean Croise

Jobe 29:13

Yoze wambile kunonga wanguchichimiekene; mbunge ya tuliwa yembile ni uwahililo ha mukunda wa yami.

Jobe 31:16

Nyi hinamina chiswale chimwe chuma azangile, hanji hinahongesa meso ja tuliwa,

Miaso (Masamu) 110:3

Atu je malihana mulambu ni upale wo ene ha tangwa lia ngolo je, mu upeme wa usandu, ngwe mume wa ukweze we wa ku kuvumbuka cha tangwa.

Miaso (Masamu) 72:16

Kumukukapwa kulumbama cha mbuto mu mavu helu lia milundu. Mihuko yaho kumuyikanyika ngwe Lebano, waze atwama mu chihunda kumakatatuka ngwe mwambu wa hashi.

Izaya 1:17

lilongesenu kulinga yipema; fupenu ululi; yulenu uswi; fungenu ana-ashiwa, hakwilenu tuliwa.

Izaya 27:6

Ha matangwa a kulutwe Yakomba masoka miji; Izalele matemuna yitemo ni kusokesa mafwo, ni kuzalisa hashi heswe ni mihuko.

Jeremia 30:19

Momwene mukatuhukila miaso ya kusakwila, ni maliji ja akwa kusehejela. Mungukaokesa; kechi katepuluka; mungukaaha ulemu; kechi kakeha.

Ezekiel 22:7

Muli yena yisemi kakwalelesa; muli yena ngeji kakwafwetesa ni mbenga; ni ana-ashiwa ni tuliwa kakwavulumuna muli yena.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Mateu 23:13

Lamba lienu, akwa kusonyeka ni A-Fwariseu, yilembese! mumu nwakuyika wanangana wa malilu kuli atu: mumu kunushi kunjilamo yenwene, ni waze mazanga kunjila kunushi kwatayiza.

Yilinga 11:20

Alioze apwile amwe a kuli ayo, malunga a ku Saipuru ni a ku Sairene, muze ahetele ku Andiakia, ahanjikile kuli A-Ngresia nawa, nikwambujola sango lipema lia Mwene Yesu Kristu.

Yilinga 11:26

muze te hamuwana, wamutwalile ku Andiakia. Mba ha mwaka wa muwundu akungulukile hamwe ni akwa chikungulwila, nikulongesa mbunga yinene; ni ku Andiakia hatangu alukile tumbaji ngwo, Akwa Kristu.

Yilinga 11:29

Ni tumbaji aliselele, mutu ni mutu nikulita ni upite wenyi, kutumisa kuli mandumbu waze atwamine mu Yundeya yimwe ya kulikwasa nayo:

Yilinga 2:41

Hohene waze atambwile liji lienyi kanawa, aapapachishile, awezele kuli ayo ha tangwa lize liene ngwe tununu atatu a atu.

Yilinga 2:45

O alanjishile upite wo ni yikumba yo, ayanyinyine kuli eswe, nikulita ngwe mutu ni mutu wahonene.

Yilinga 2:47

nikuhalisa Zambi, nikuwana vumbi kumeso ja atu eswe. Mba Mwene wawezele ku chikungulwila tangwa ha tangwa waze apwile nikulilamwina.

Yilinga 4:35

ayitumbikile ku yiliato ya apostolo; o apangilile kuli mutu ni mutu ngwe wahonene.

Yilinga 4:4

Alioze anji a kuli waze evwile liji afulielele; ha kwalula malunga apwile ngwe tununu atano.

Yilinga 5:14

ni akwa kufuliela, yizavu ya malunga ni mapwo, aawezele kuli Mwene:

Yilinga 5:28

Tunakanwaha koki ngwetu, Kanda nukalongesa mu jina lino: ni kumanyi, hinunazalisa Yerusaleme ni longeso lienu, nunafupu kuneha manyinga ja yono mutu hali yetu.

Yilinga 6:2

Kashika kumi ni aali atambikile chizavu cha tumbaji kuli ayo, ambile ngwo, Kuchapemenene yetu tuhichike liji lia Zambi, tukavumbike ku mesa.

Yilinga 6:7

Mba liji lia Zambi liafumanyine; tumbaji okele kuhiana mu Yerusaleme; mbunga yinene ya asasendote ononokene ku Ufulielo.

Yilinga 9:29

nikuhanjika ni hamu mu jina lia Mwene Yesu, nikuhangulula A-Ngresia; alioze afupile kumushiha.

Yilinga 9:39

Petulu wakatukile, wayile hamwe no. Muze ahetele, amukandwishile ku chipatulo cha kwilu: ni twamishi ja mapwo amanyine hehi nenyi nikulila, nikulweza yikuto ni mahina aze aatongelele Kai, shimbu apwile hamwe no.

Yilinga 9:41

Iye wamuhele kwoko lienyi, wamuhindwishile; watambikile asandu ni twamishi ja mapwo, wamukunjikile kuli ayo ni mwono.

A-ROMA 12:7

hanji uvumbiko, tuvumbikenu; hanji yoze wakulongesa, akalongese;

1 Korintu 10:10

Chipwe kanda nulinyenyeta ngwe amwe a kuli ayo alinyenyetene, mba aonwene kuli chenyeke.

2 Korintu 11:22

O A-Hepreu, nyi? Yami nawa. O A-Izalele, nyi? Yami nawa. O munyachi wa Apalahama, nyi? Yami nawa.

Shimbi 26:12

Ha kumana kuhana yihanda yeswe ya ku kumi ya kwoka chenu ha mwaka wamuchitatu, wenawo mwaka wa kuhana yihanda ya ku kumi, nukachihane kuli A-Levi, ni kuli njize, ni kuli shiwa, ni kuli twamishi, hanga akalite mu yihunda yenu, akakute.

Filipu 3:5

Angupwishile ngalami ha tangwa liamuchinake, wa ku munyachi wa Izalele, wa ku vungu lia Mbenjamine, Ka-Hepreu hakachi ka A-Hepreu, ha kutwala ku shimbi, Ka-Fwariseu.

1 Timoteu 5:3

Lemesa twamishi a mapwo waze anapu chamwenemwene twamishi.

1 Timoteu 5:9

Kanda asoneka mu mukanda twamishi yoze kanda aheta makumi asambano a miaka, yoze amumbachile lunga umuwika,

Hebreu 13:1

Kufwila cha mandumbu chikalinduluke.

Tiangu (Jake) 1:27

Uwayilo upema kuushi luchisa kumeso ja Zambi kanda ja mwe Tata, uno, Kunangisa ana-ashiwa ni twamishi ja mapwo mu luyinda wo, ni kulitunga mwene keshi chipeka ku yuma ya hano hashi.

Tiangu (Jake) 4:5

Shina nunashinginyeka ngwe Chisoneko chinahanjika chamokomoko, nyi? Ngwo, Spiritu, yoze wakutwama muli yetu kakwivwa usona ndo ku ukwa, nyi?

Tiangu (Jake) 5:9

Kanda nulinyenyeta mandumbu, umwe hali mukwo ni mukwo, hanga kechi kanupatwila: Sopi kanamana ku pito.