Yilinga 5:5 - MUKANDA USANDU WA ZAMBI 1975

⁵ Ananiya ha kwivwa maliji ano, walimbukile hashi, wafwile; ni woma wunji wejile hali waze eswe achivwile.

Mukanda Wa Zambi 1970

⁵ Anania, muze hevwa maliji wano yalimbuka hashi, yafwa kwenyi. Eswe waze achivwile yeevwa woma unji.

Yilinga 5:5 Iomraidhean Croise

1 MIANANGANA 2:24

Aye yatala kunyima, yaamona, yaashinga ni jina lia Yehova. Mba kwatuhukile mu musenge ursu aali a yihwo, yapapulula makumi awana a akweze ni akweze aali.

1 Sango Ja Mianangana 13:12

David yavwila woma Zambi tangwa lize, yamba ngwenyi, Kuchi munguneha mushete wa Zambi kuli yami?

1 Sango Ja Mianangana 15:13

Kunwaumbachile chisuho chitangu kashika Yehova Zambi yetu walusukilile hali yetu mumu kutwalingile nikulita ni shimbi yawo.

Miaso (Masamu) 119:120

Musunya wami kuunachikima ni woma wa yena. Woma ngunevu wa upatwilo we. Ayine

Miaso (Masamu) 64:9

Atu eswe mevwa woma; makambulula chitanga cha Zambi; makanyonga ni mana yuma yize alinga.

Jeremia 5:14

Kashika Yehova, Zambi-ya-Tujita kanambe ngwenyi, Mumu o hanambe liji lino ami ngunapwisa maliji jami kahia mu kanwa lie, ni wano atu mapwa kunyi, ni kahia kumukaanongesa.

Ezekiel 11:13

Shimbu munguchiprofeteza, Pelatia mwana Benaia yafwa. Mba yami yingufulamana hashi nikuteta ni liji linene ngwami, Mwene Yehova! Unambe kumanununa e masalila ja A-Izalele nyi?

Alevi 10:3

Henaho Mose yamba kuli Arone ngwenyi, Chino che chuma Yehova hamba ngwenyi, Mungupwa wajila kuli waze eswe makakundama kuli yami. Kumeso ja e atu eswe mungukalema. Arone yaliholela lume.

Yilinga 13:11

Haliapwila, tala, kwoko lia Mwene hali yena lili, kumuopwa kapuputa, ha mwaka kuchi kamona tangwa. Haze hene yaholokelele hali iye mbundu ni milima; iye wendanganyine nikufupa amwe amusongwele ku kwoko.

Yilinga 2:43

Ni woma wejile hali atu eswe, ni yipekesa ni yilayi yinji ayilingile ku moko ja apostolo.

Yilinga 5:13

Alioze a kuli akwo niumwe wahamukine kulinunga no: alioze atu aachichimiekene;

1 Korintu 4:21

Chika nunazange? Ngukeze kuli yenu ni mbwechi, nyi? Shina ni zango ni spiritu ya kushimbika?

2 Korintu 13:10

Ha chikuma chino ngunasoneka yino yuma shimbu chishiko, hanga muze mungupwa hamwe ni yenu chichi kanwambila maliji akalu, nikulita ni chiyulo chize hanangwehe Mwene mukukolesa, hi mukupuzula ko.

2 Korintu 13:2

Nambile Shimbu-kanda, ngunambe shimbu kanda ngwiza, chizechene ngwe muze napwile hamwe ni yenu chisuho chamuchiali, chocho haliapwila, se chishiko, kuli waze hanavulumuna kunyima, ni kuli akwo eswe ngwami, Kachi mungwiza cheka nawa, kachi chichi kanuvwila keke;

2 Korintu 7:11

Mumu chikuma chino chene, cha kunuvwisa chinyengo nikulita ni Zambi, talenu kulipupwisa chipwa haha chalingile muli yenu, ewa, kulisambisa chipwa haha! Ewa, kwivwa kupiha chinene chipwa haha! Ewa, woma upwa haha! Ewa, usona upwa haha! Ewa, tachi ja mbunge jipwa haha! Ewa kulikala chipwa haha! Kweswe hinwasamba ha chuma chino.

Shimbi 13:11

A-Izalele eswe achivwe, evwe woma, kanda alinga nawa ungulungulu upwa hoho ngwe uno uli mukachi kenu.

Shimbi 21:21

Malunga eswe a limbo lize amwase mawe afwe, chocho munukatwisa chipi mukachi kenu, A-Izalele eswe evwe, apwe ni woma.

Yoshua 22:20

Akane mwana wa Zera te kalingile ni mafwefwe mu chikuma cha yuma yajila, mba ufwatulo kuwaholokelele ha chikungulwila cheswe cha Izalele nyi? Kafwile ukawenyi ha uhenge wenyi.

Usolwelo 11:13

Ha ola yize yene kwapwile minyiko yinene, ni chihanda chimuwika cha ku kumi lia yihanda ya limbo chapuzukile; ashihile mu minyiko tununu shimbiali a atu: ni masalila azalile tò ni woma, mba achichimiekene Zambi ya mwilu.

Usolwelo 11:5

Nyi kachi umwe mazanga kwalemeka, kachi kahia mukatuhuka mu makanwa jo, mukulesa akwa kole jo; kachi umwe mazanga kwapinjisa, kachi chocho chatamba kumushiha.