Yilinga 5:4 - MUKANDA USANDU WA ZAMBI 1975

⁴ Shimbu kanda uulanjisa, kuwapwile niwe, nyi? Ni muze hiwaulanda, kuwapwile mu chiyulo che, nyi? Ngwe kuchi hiunase chuma chino mu mbunge ye? Kwahanjikile mahuza kuli atu, alioze kuli Zambi.

Mukanda Wa Zambi 1970

⁴ Shimbu kanda uchilanjisa we munda, te hi niwe ko, nyi? Chibwe muze hiwaulanjisa, je mbongo hindu te hi nije ko, nyi? Mba ngwe kuchi walinyonganga kulinga Chuma ngwe chino? Tala, kuwahanjikile mahuza kuli atu, alioze kuli Zambi.”

Yilinga 5:4 Iomraidhean Croise

1 Sango Ja Mianangana 29:17

Zambi yami, ngunanyingika yena kuwakweseka mbunge, kuwakuwahilila ni ululi. Ha kutwala kuli yami mu kutuwika cha mbunge yami hinahana yino yuma yeswe nikulikomonona. Mba hinamona ni chiseke atu je wano anasu kuno kanakulambula ni mbunge.

1 Sango Ja Mianangana 29:3

Chikwo nawa mumu ha kusa zango liami lieswe ku zuwo lia Zambi yami, se nguli ni upite wa yami mwene wa oru ni prata ngunauhana ku zuwo lia Zambi yami helu lia yuma yize yeswe hinalulika ha lie zuwo lisandu,

1 Sango Ja Mianangana 29:5

ni oru ha yuma ya oru, ni prata ha yuma ya prata, ni ha milali yeswe ya milimo ya kulinga ni moko ja akwa utotombo. Mba iya mahana ni mbunge, ni kulitumbikila musono kuli Yehova?

1 Sango Ja Mianangana 29:9

Ni e atu awahililile mumu ahanyine ni mbunge, mumu alambwile Yehova ni mbunge yingunu, ni mwanangana David wawahililile ni chiseke chinji.

Jobe 15:35

Kakumita uhuka; kakusema uhenge, ni mbunge jo kujakululika yuma ya kwonga.

Miaso (Masamu) 139:4

Nilimwe liji kulishiho ha limi liami, shina yena Yehova unalinyingika ndusu.

Miaso (Masamu) 7:14

Kumanyi kanapinji ni uhenge; hanaseseka uhuka; hanaseme mahuza.

Kutuhuka 16:8

Mose yamba ngwenyi, Muze ha chingoloshi Yehova makanwaha yifwo nukalie; mba ha kucha mbolo nukakute mununyingika Yehova kanevu kulinyenyeta chenu ni iye. Yetu aya kevwe? Kunwalinyenyetene ni yetu, ka, alioze ni Yehova.

Kutuhuka 35:29

A-Izalele yatwalila Yehova mulambu wa vumbi, lunga mweswe, pwo mweswe mbunge jo jatayile mukutwala ha milimo yeswe yize ambile Yehova akayilinge ku kwoko lia Mose.

Longeshi 5:5

Kulakenya ni kufweta ka achi chipi; Shinaho kanda ulakenya nichimwe.

Izaya 59:4

Niumwe unasopo ni ululi, niumwe unatwala chikuma chenyi ku lwaza ni mbunge yipema. Kakufuliela ungaji wamokomoko, kakuhanjika mahuza. Kakwaka uhuka ni kusema uhenge.

Ezekiel 38:10

Mwene Yehova kanambe ngwenyi, Ha tangwa lize manyonga makeza mu mutwe we, ni yena mukataka chuma chipi,

Kwalula 16:11

Kashika ni yena ni mbunga ye yeswe nunakunguluka nikulimika ni Yehova. Arone kuchi apwa, nunalinyenyeta hali iye?

Luka 10:16

Yoze manwivwa, mangwivwa yami; ni yoze malituna yenu, malituna yami; ni yoze malituna yami, malituna yoze wangutumine.

Yilinga 5:3

Alioze Petulu wambile ngwenyi, Ananiya, kuchi te Satana hanazalisa mbunge ye kuhanjika mahuza kuli Spiritu Musandu, ukasweke chihanda cha ndando ya munda?

Yilinga 5:9

Alioze Petulu wambile kuli iye ngwenyi, Kuchi te hinunalikundu kweseka Spiritu ya Mwene? Tata, yiliato ya waze afundanga mukwenu-lunga ku chikolo yili, no kumakakumbata haze.

1 Korintu 8:8

Alioze kulia kuchishi kutuneha kumeso ja Zambi: chipwe kutushi kulia, kutushi kuhona; chipwe kachi mutulia kutushi kuhiana.

1 Tesalonika 4:8

Kashika yoze malituna, malituna hi atu ko, alioze Zambi, yoze wakunwaha Spiritu yenyi Musandu.

Filemu 1:14

Alioze chazangile kulinga nichimwe shina yena mutá; hanga chitanga che chipema kuchichi kapwa cha kuzangisa, aiioze ha upale wa yena mwene.

Tiangu (Jake) 1:15

Mba usolo muze muuseseka, muusema shili: ni shili muze muyikola, muyisema kufwa.

1 Samuel 8:7

Yehova yamba kuli Samuel ngwenyi, Panjika kuli atu, liji lieswe makwamba, mumu kalitunyine yena, alioze yami analitunu. Kazangile ngupwe mwanangana wo.