Yilinga 5:31 - MUKANDA USANDU WA ZAMBI 1975

³¹ Iye Zambi wamunangamishine ku kwoko lienyi lia chindume akapwe Kaputu kanda Chilamwina, mukuhana kuli akwa Izalele kulikonyeka ni ukonekeno wa milonga.

Mukanda Wa Zambi 1970

³¹ Zambi hanamuzundula ha kubwa ku kwoko lienyi lia chindume, hanga abwe Tetekeli ni Chilamwina. Chenacho Aisraele maahasa kwalumuka ku mbunge jo, ni Zambi maakonekena milonga yo.

Yilinga 5:31 Iomraidhean Croise

Miaso (Masamu) 89:19

Mba wahanjikile mu usolwelo kuli musandu we. Wambile ngwe, Hinakwasa umwe mukwa ndundo; hinanangamisa umwe wa kutongola hakachi ka atu.

Miaso (Masamu) 89:24

Alioze umwenemwene wami ni utu wa zango liami muyikatwama nenyi. Makanangamisa mbinga yenyi mu jina liami.

Izaya 43:11

Yami, yami nguli mwe Yehova. Niumwe chilamwina keshiko shina yami mwene.

Izaya 43:3

Mumu nguli Yehova Zambi ye, mwe Musandu wa Izalele, Chilamwina che. Nahanyine Engitu kupwa ndando ya ukule we. Nakulanjile ni Etiopia ni Sepa.

Izaya 45:21

Ambululenu chikuma chenu nukachilumbunune. Atwame punga. Yoze walwezele chuma chino kulu, iya? Yoze wachambulwilile ku miaka ya kushi, iya? Hi yami ko, Yehova? Kukushi nawa zambi mukwo shina yami mwene, Zambi ya ululi, Chilamwina; kukushi mukwo shina yami mwene.

Izaya 49:26

Waze anakupinjisa mungwalisa musunya wo ene. Kumakazengewa ni manyinga jo ene ngwe hanwa vinyu. Henaho atu eswe manyingika yami nguli Yehova, Chilamwina che, kanda Mukwa-Kukukula, kanda Mukwa-Ndundo wa Yakomba.

Izaya 9:6

Mumu kuli yetu hikwasemuka umwe kemba, kuli yetu hahana umwe mwana wa lunga. Chiyulo kumuchikapwa ha chipaya chenyi, ni jina lienyi mamuluka ngwo, Longeshi wa mana mukwa kukomwesa, Zambi ya Ndundo, Tata ya Miakulwila, Mwanangana wa Sambukila.

Ezekiel 17:24

Ni mitondo yeswe ya mu yambu muyinyingika yami Yehova nakulelesa mutondo usuku; nakunangamisa mutondo wihi; nakuumisa mutondo wa wisu, nakutatwisa mutondo umu. Yami Yehova Hachamba; mungukachilinga.

Ezekiel 34:24

Ni yami Yehova mungukapwa Zambi yo, ni kavumbi kami David makapwa mwe mulemu hakachi ko. Yami Yehova hinachamba.

Ezekiel 37:25

Kumakatwama mu chifuchi kuze tulamba twenu atwamine, chize nahanyine kuli kavumbi kami Yakomba. O, ni ana jo, ni ana ja ana jo kumakatwamamo ndo ku miaka yeswe, ni kavumbi kami David kumakapwa mwe mulemu ndo ku miaka yeswe.

Daniel 10:21

Alioze mungukulweza chize chinasonewa mu mukanda wa umwenemwene. Niumwe kakungukwasa kulitachika ni wano shina Mikele wika, mukwa kunuyula.

Daniel 9:25

Kashika nyingika Chikulumbunuke, chize ku kuhana liji lia kululika ni kutunga Yerusaleme ndo ku kwiza cha yoze mukwa-kuyula amuwayishile ni maji, kumukukapwa semana shimbiali, ni makumi asambano a semana ni semana jiali. Mayitunga nawa ni malwaza ni matapalo, hindu ha mwaka wa lamba.

Zakaria 12:10

Mungukazukula ha munyachi wa David ni hali akwa Yerusaleme Spiritu ya vumbi ni kulembela. Kumakahulikila meso yoze amutuwile. Kumakalishimwoka hali iye ngwe mutu kakulishimwoka hali mwanenyi wa lunga wa wika. Makamuvwila chinyengo ngwe chinyengo chize cha mutu hali mwanenyi mutangu.

Mateu 1:21

Kumakasema mwana-lunga, ukamuluke jina ngwe, Yesu; mumu iye kumakalamwina atu jenyi ku milonga yo.

Mateu 28:18

Yesu wakundamine kuli ayo, nikuhanjika kuli ayo ngwenyi, Hanangwehe yiyulo yeswe mwilu ni hashi.

Marku 2:10

Alioze hanga nunyingike ngwe mwe Mwana Mutu chiyulo akwete hano hashi cha kukonekena milonga, yamba kuli mukwa kalepa ngwenyi,

Marku 4:12

hanga ha kutala, akatale, alioze kechi kamona; mba ha kwivwa akevwe, alioze kechi kanyingika; kuchina hanji malumuka, maakonekenacho.

Luka 2:11

Mumu musono, mu limbo lia David, Chilamwina kanasemuka kuli yenu, iye Kristu mwe Mwene.

Luka 24:47

akambujole mu jina lienyi kulikonyeka ni ukonekeno wa milonga ku mavungu eswe, nikuputuka ku Yerusaleme.

Yoano 4:42

o ambile kuli pwo ngwo, Haliapwila tunafuliela, hi ha liji lie ko: mumu hitunamwivu yetwene, tunanyingika yono chamwenemwene mwe Kristu, mwe Chilamwina cha akwa hashi.

Yilinga 11:18

O muze evwile yino yuma, aholele kulungunga, achichimiekene Zambi, ngwo, Kashika Zambi hanahana kuli akwa mavungu nawa kulikonyekena akatambule mwono.

Yilinga 13:23

Wa ku munyachi wa yono lunga nikulita ni chilakenyo, Zambi hanasolola kuli A-Izalele, umwe Chilamwina, Yesu.

Yilinga 2:33

Kashika se hanamunangamisa ku kwoko lia chindume lia Zambi, ni se hanatambula kuli mwe Tata chilakenyo cha Spiritu Musandu, hanazukula chino, nunamono, nunevu haliapwila.

Yilinga 2:36

Kashika, akwa zuwo lieswe lia Izalele anyingike chamwenemwene ngwo, Yono Yesu, nwamuhachilile ha kulusu, Zambi hanamupwisa ni Mwene ni Kristu.

Yilinga 2:38

Petulu wambile kuli ayo ngwenyi, Likonyekenu, anupapachise mutu ni mutu wa kuli yenu mu jina lia Yesu Kristu, ha ukonekeno wa milonga; mba kumunukatambula chawana cha Spiritu Musandu.

Yilinga 3:15

Nwashihile mwe Kaputu ka mwono; yoze Zambi wamuhindwishile hakachi ka afu; ha chino yetu tuli yela.

Yilinga 3:19

Likonyekenu kashika, nyalumuke, hanga milonga yenu yikajimuke, ni chocho miaka ya kuhuzuluka yikeze ya kumeso ja Mwene;

Yilinga 3:26

Kuli yenu hatangu, Zambi, se hanasolola Kavumbi kenyi Yesu, wamutumine mukunuwahisa, ha kunukondolola mutu mweswe ku ungulungulu wenyi.

Yilinga 4:11

Iye lie liwe lize asele liamokomoko kuli yenu tungi, kuliapwa liwe lia helu lia ha mbango.

2 Korintu 2:10

Alioze yoze munumukonekena chuma chimwe, ni yami nawa mungumukonekena; mumu chize yami nawa hingunakonekena, kachi hingunamukonekenacho, hichapwa hali yenu, kumeso ja Kristu;

Efesu 1:7

Muli iye, ukule tuli nawo ku manyinga jenyi, we ukonekeno wa milonga yetu, nikulita ni kulumbama cha vumbi lienyi.

Filipu 3:20

Mumu chifuchi chetu chili mwilu; mu muze twakutalatala Chilamwina, mwe Mwene Yesu Kristu.

Kolosu 1:14

Muli iye ukule wetu tuli nawo ku manyinga jenyi, we ukonekeno wa milonga yetu.

Titu 1:4

Kuli Titu, mwanami pundu mu Ufulielo wa eswe aali, niwe kanda niwami: Vumbi ni sambukila ya kuli Zambi Tata ni Kristu Yesu Chilamwina chetu.

Titu 2:10

hi nikwiya ko, aiioze nikusolola kushishika cheswe chipema; hanga akawahise longeso lia Zambi Chilamwina chetu ha yuma yeswe.

Titu 2:13

nikutwaminyina kutalatala chize chawaha, ni usolokelo wa uhenya wa Zambi yetu munene kanda Chilamwina Yesu Kristu;

Hebreu 12:2

Tuhulikilenu meso kuli Yesu, Kaputu kanda mukwa kupwisa ungunu Ufulielo, mwenawo ha uwahililo uze asele kulutwe lienyi, wanyongonwene mu lamba lia kulusu, nikulelesa je sonyi; hanatwama ku kwoko lia chindume lia ngunja ya Zambi.

Hebreu 2:10

Mumu yoze, hali iye yuma yeswe kuyili, ni kuli iye yuma yeswe yakatuka, ha kuneha ana anji ku uhenya, chatamba kaputu ka ulamwino wo akamupwise mungunu ha kumona lamba.

1 Petulu 3:22

yoze kwali ku kwoko lia chindume lia Zambi, se hanayi mwilu; angelo ni akwa kuyula ni tachi nikuzeyela kuli iye.

2 Petulu 1:1

Yami Semone Petulu, ndungo kanda postolo wa Yesu Kristu, Kuli waze hanazuku Ufulielo ulemu wa kulita ni uze niwetu, ku ululi wa Zambi yetu kanda Chilamwina Yesu Kristu:

2 Petulu 1:11

Mumu chocho, kumakanwaha unjililo Wahiana mu wanangana wa mutolo wa Mwene wetu kanda Chilamwina Yesu Kristu.

2 Petulu 2:20

Mumu kachi muze te homboka ku luchisa wa hashi ku chinyingi cha Mwene kanda Chilamwina chetu Yesu Kristu, malimbalimbamo cheka nawa, akaakumbe, muhela wo wa kusula hiwapwa upi Wahiana.

2 Petulu 3:18

Alioze tatukenu mu vumbi ni yinyingi ya Mwene wetu kanda Chilamwina chetu Yesu Kristu. Uhenya ukapwe kuli iye, ni haliapwila, ni ndo ku miaka ya mutolo. Amene.

1 Yoano 4:14

Yetu hitunamono, twakushindakenya ngwetu, Mwe Tangi hanatumu mwe Mwana akapwe Chilamwina cha akwa hashi.

Yuda 1:25

Kuli Zambi umuwika, Chilamwina chetu, mu jina lia Yesu Kristu Mwene wetu, uhenya, ni ulamba, ni ndundo, ni yiyulo, yikapwe kushi ku miaka ya mutolo, ni haliapwila, ni ndo ku miaka ya mutolo. Amene.

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;