Yilinga 5:3 - MUKANDA USANDU WA ZAMBI 1975

³ Alioze Petulu wambile ngwenyi, Ananiya, kuchi te Satana hanazalisa mbunge ye kuhanjika mahuza kuli Spiritu Musandu, ukasweke chihanda cha ndando ya munda?

Mukanda Wa Zambi 1970

³ Petulu yamwamba ngwenyi: “Anania, kuchi kevwe Sakwonga anjilanga mu mbunge ye uhanjike mahuza kuli Mwiku wa Linanga, ni kusweka Chihanda cha mbongo ja munda?

Yilinga 5:3 Iomraidhean Croise

Jobe 22:13

Kashika wakwamba ngwe, Zambi yika ananyingika? Mahasa kusopa ndusu mu milima nyi?

Yishima 20:25

Nyi mutu malipupula kwamba ngwenyi, Chapwa chuma chisandu, mba muze halakenya mahula chinyingi, muchipwa kambwila kuli iye.

Longeshi 5:4

Nyi mulilakenya chilakenyo kuli Zambi, kanda ukokoloka ha kuchifweta mumu keshi kuwahilila ni yihepuke. Fweta chize hiwalakenya.

Izaya 29:15

Lamba kuli waze akusweka kusuku ni Yehova kutaka cho, waze ali ni yitanga yo mu milima; kakwamba ngwo, Iya unatumono? Iya unatunyingika?

Jeremia 23:24

Yehova kanambe ngwenyi, Mutu mahasa kuswama kumwe kuma kwa kuhengeka, ami chichi kuhasa kumumona? Yehova kanambe ngwenyi, Te chazalishile lihi ni hashi?

Hosea 11:12

Eframe hanangujingilika ni mahuza, munyachi wa Izalele hanangujingilika ni kwonga. Hindu Yunda kakwenda ni Zambi, kakulalaminya kuli mwe Musandu.

Kwalula 30:2

Nyi lunga malakenya kuli Yehova chilakenyo chimwe, hanji malishinga ni shingo mukujilila mbunge yenyi ni yijilika, kanda akajilula liji lienyi, iye akalinge nikulita ni yeswe muyituhuka mu kanwa lienyi.

Mateu 13:19

Muze umwe mevwa liji lia wanangana, alioze kuliamulumbunukine, hohene mwe mupi meza, machanga chize te hakuwa mu mbunge yenyi. Yino yize ayikuwile ku sesa lia jila.

Luka 22:3

Mba Satana wanjilile muli Yundase, jina lienyi likwo, Ka-Keriote, yoze hanamwalula wa kuli kumi ni aali.

Yoano 13:2

Shimbu machilia, Ndiapu se hanachise kulu mu mbunge ya Yundase Ka-Keriote mwana Semone, amukunjike.

Yoano 13:27

Kulutwe lia lupapa, hohene Satana wanjilile muli iye. Yesu kashika yamba kuli iye ngwenyi, Chize mulinga, linga nikawashi.

Yilinga 5:2

mba waswekele chihanda cha ndando, mukwo-pwo nawa kanachinyingika, wanehene chimwe chihanda, wachitumbikile ku yiliato ya apostolo.

Yilinga 5:4

Shimbu kanda uulanjisa, kuwapwile niwe, nyi? Ni muze hiwaulanda, kuwapwile mu chiyulo che, nyi? Ngwe kuchi hiunase chuma chino mu mbunge ye? Kwahanjikile mahuza kuli atu, alioze kuli Zambi.

Yilinga 5:9

Alioze Petulu wambile kuli iye ngwenyi, Kuchi te hinunalikundu kweseka Spiritu ya Mwene? Tata, yiliato ya waze afundanga mukwenu-lunga ku chikolo yili, no kumakakumbata haze.

Shimbi 23:21

Ha kulakenya chilakenyo chimwe kuli Yehova Zambi yenu, kanda nulaluka kuchilinga, mumu Yehova Zambi yenu kumakanufwetesacho, mba muchipwa mulonga kuli yenu.

Tiangu (Jake) 4:7

Lizeyesenu kashika kuli Zambi; aiioze limikenu ni Ndiapu mba kumakanuchina.

1 Petulu 5:8

Keyelenu, lenu; mumu mukwa kole yenu ndiapu, ngwe ndumba wa kuhanjika lundunjila kakwendangana nikufupa yoze mahasa kumuumbula.