Yilinga 5:26 - MUKANDA USANDU WA ZAMBI 1975

²⁶ Hohene kapitau wayile hamwe ni tupita, waanehene, alioze kaalambile; mumu evwile woma wa atu kuchina maasa mawe.

Mukanda Wa Zambi 1970

²⁶ Mba mwata wa tujita hamwe ni tufunga yaaya, yaaneha, alioze hi ni tachi ko, mumu yeevwila atu woma ngwo, maashiha ni mawe.

Yilinga 5:26 Iomraidhean Croise

Mateu 14:5

Muze azangile kumushiha, wevwile woma wa mbunga, mumu amumwene profeta.

Mateu 21:26

Alioze kachi mutwamba ngwetu, Kuli atu; tunevu woma wa mbunga; mumu eswe kakumona Yoano ngwe profeta.

Mateu 26:5

Alioze ambile ngwo, Hi ha chiwanyino ko, kuchina zungo mulipwa hakachi ka atu.

Mateu 26:58

Petulu wamukawile kanonajila, ndo ku yize ya sasendote mukwa lutwe, neye wanjilile, Watwamine hamwe ni tupita, akamone songo.

Luka 20:19

Asasendote akwa lutwe ni akwa kusonyeka afupile ha ola yize yene kumukwata; o evwile woma wa atu, mumu anyingikine ngwo, Watele chishima chino cha kutuhisa.

Luka 20:6

Alioze kachi mutwamba ngwetu, Kuli atu; atu eswe kumatwasa mawe; mumu kanakunuka ngwo, Yoano iye profeta.

Luka 22:2

Ni asasendote akwa lutwe ni akwa kusonyeka afupile ngwe chize mahasa kumushiha; mumu evwile woma wa atu.

Luka 22:4

Iye wayile akahanjike ni asasendote akwa lutwe ni tupitau ngwe chize mamukunjika kuli ayo.

Yilinga 4:21

Muze te haomisa nawa, aechele kuya, se kawanyine chuma nichimwe ngwe chize mahasa kwalamba, mumu ha mukunda wa atu; mumu eswe achichimiekene Zambi ha chize alingile.

Yilinga 5:13

Alioze a kuli akwo niumwe wahamukine kulinunga no: alioze atu aachichimiekene;

Yilinga 5:22

Alioze tupita waze ayile, kaawanyine mu zuwo lia ususu; o ahilukile, aambulwilile

Yilinga 5:24

Muze kapitau ka tembele ni asasendote akwa lutwe evwile maliji ano, akakashanyine chikolo hali ayo te chize chuma chino muchiza kupwa.

Yilinga 5:25

Mba umwe wejile, wambulwile kuli ayo ngwenyi, Kumanyi, malunga waze nunakaasa mu zuwo lia ususu, mwali mu tembele, kanamana nikulongesa atu.