Yilinga 5:2 - MUKANDA USANDU WA ZAMBI 1975

² mba waswekele chihanda cha ndando, mukwo-pwo nawa kanachinyingika, wanehene chimwe chihanda, wachitumbikile ku yiliato ya apostolo.

Mukanda Wa Zambi 1970

² yasweka Chihanda cha mbongo, ni mukwo pwo nawa yachinyingika, yaneha jize jasalile ho nikujikunjika kuli tunganda twa Yesu.

Yilinga 5:2 Iomraidhean Croise

Malaki 1:14

Akashingiwe mukwa kwonga auze kali ni kuji mu limba lienyi, mba mamulakenya ni shingo alioze malambula kuli Mwene chize Chinapiha. Mumu Yehova-wa-Tujita kanambe ngwenyi, Nguli mwanangana munene, ni jina liami kakulivwila woma hakachi ka mavungu.

Mateu 23:5

Yitanga yo yeswe kakuyilinga akamoneke kuli atu: mumu kakutohesa yipenya yo, kakutohesa mapula jo.

Yoano 12:6

Achi, kambile chino mumu wanyongene yiswale, ka; alioze mumu wapwile mwiji, ni se wapwile ni tuku, iye wambachile jize aselemo.

Yilinga 2:44

Ni waze eswe afulielele apwile hamuwika, apwile ni yuma yeswe hamuwika.

Yilinga 4:37

se wapichile munda, waulanjishile, wanehene mbongo, wajitumbikile ku yiliato ya apostolo.

Yilinga 5:1

Alioze umwe lunga jina lienyi Ananiya, hamwe ni mukwo-pwo Safira, walanjishile upite umwe,

Yilinga 5:3

Alioze Petulu wambile ngwenyi, Ananiya, kuchi te Satana hanazalisa mbunge ye kuhanjika mahuza kuli Spiritu Musandu, ukasweke chihanda cha ndando ya munda?

Yilinga 5:8

Petulu wakumbulwile kuli iye ngwenyi, Ngwambulwile kachi nwatanjishile munda ha ndando yinganji? Iye wambile ngwenyi, Ewa, ha ndando yize yene.

Filipu 2:3

Kanda nulinga nichimwe ku Spiritu ya kulitachika, hanji ya uhenya wamokomoko, alioze ni mbunge ya kulikehesa, mweswe anyonge ngwenyi, Mukwetu wanguhiana.

1 Timoteu 6:10

Mumu chipululu cha mbongo chikota cha yipi yeswe: amwe nikujifupa, hanapianguka ku Ufulielo, hanalituwu ni yikola yinji.