Yilinga 5:17 - MUKANDA USANDU WA ZAMBI 1975

¹⁷ Alioze sasendote mukwa lutwe wakatukile, ni waze eswe apwile hamwe nenyi, (te mbunga ya A-Satuseu), te kanazala tò ni ukwa.

Mukanda Wa Zambi 1970

¹⁷ Mwata wa mahako ni waze te akuliendela nenyi, kafwa ngwe mbunga ya Asaduseu, yaakatuka ni ukwa unji,

Yilinga 5:17 Iomraidhean Croise

Jobe 5:2

Kulifwita muchishiha chihepuke. Nyi malichafukila mu uchelo wenyi achi hikufwa.

Yishima 14:30

Mbunge yingunu kuyakuhana mwono ku mujimba; alioze ukwa kuwakupolesa yifwaha.

Yishima 27:4

Ufwatulo uswi ukwete; utenu kuwakuhungumuna, alioze iya mahasa kulikoleza ni ukwa?

Longeshi 4:4

Namwene kuhondangana cheswe ni utotombo weswe ni ha chino mutu kakumuvwila ukwa kuli akwo. Chino nawa chapwa chamokomoko ngwe kuhanga ye fuji.

Mateu 27:18

Mumu wanyingikine ngwenyi, Hamukunjika mumu ha lufwachinda.

Mateu 3:7

Alioze muze amwene anji a kuli A-Fwariseu ni A-Satuseu kaneza ku upapachiso wenyi, yamba kuli ayo ngwenyi, Yenu, vungu lia yihili, iya unakanutoweza kuchina utenu uze muwizaho?

Yoano 12:10

Alioze asasendote akwa lutwe atwamine punga, hanga akashihe Lazaru nawa;

Yoano 12:19

A-Fwariseu kashika aliambile hakachi ko ngwo, Nunamono ngwe kunushi kulinga nichimwe; talenu, akwa hashi eswe hanayi kunyima yenyi.

Yilinga 13:45

Alioze muze A-Yunda amwene mbunga, azalile tò ni ukwa, ahamikine yuma yize ahanjikile Paulu, nikushililika.

Yilinga 15:5

Alioze kwakatukile amwe a ku mbunga ya A-Fwariseu, waze afulielele, ngwo, Chatamba kwapwisa ngalami, ni kwaamba akafunge shimbi ya Mose.

Yilinga 17:5

Alioze A-Yunda, nikwivwa ukwa, akungulwile amwe yingulungulu a ku yitanda, nikukunga mbunga, anehene vunda mu limbo; nikupupa zuwo lia Yasone, afupile kwaneha haze kuli atu;

Yilinga 4:26

mianangana ja hashi akatukile, ni miata akungulukile hamuwika, mukulimika ni Mwene, ni kulimika ni Kristu yenyi:

Yilinga 4:6

Ni Anase, sasendote mukwa lutwe hamwe ni Kayafwa, ni Yoano, ni Alezandre, ni eswe a ku munyachi wa sasendote mukwa lutwe.

Yilinga 5:16

Ni chizavu nawa cha ku membo a kujingilika Yerusaleme akungamine, nikuneha mieji ni waze aapinjishile kuli maspiritu a luchisa, o aawukile eswe.

Yilinga 7:9

Tulamba, se evwilile ukwa José, amulanjishile ku Engitu: alioze Zambi wapwile hamwe nenyi.

Galashia 5:21

ni lufwachinda, ni ungalwe, ni kuzengewa, ni kuhungumuka ni yipi, ni yuma ya kulifwa ni yino; ha kutwala ku yiyo, ngunanwambulwila Shimbu-kanda, chizechene ngwe nanwambulwilile kulu, ngwami, Waze akulingalinga yuma ngwe yino kechi kahinga wanangana wa Zambi.

Tiangu (Jake) 4:5

Shina nunashinginyeka ngwe Chisoneko chinahanjika chamokomoko, nyi? Ngwo, Spiritu, yoze wakutwama muli yetu kakwivwa usona ndo ku ukwa, nyi?

1 Petulu 2:1

Kashika, mbilenu uhuka weswe, ni tulimbalimba eswe, ni ulembekese, ni lufwachinda, ni kuhanjika chipi.