Yilinga 5:14 - MUKANDA USANDU WA ZAMBI 1975

¹⁴ ni akwa kufuliela, yizavu ya malunga ni mapwo, aawezele kuli Mwene:

Mukanda Wa Zambi 1970

¹⁴ Kwoka cha waze afulielele Mwene Yesu, malunga ni mapwo, te chakuliweza tangwa ha tangwa.

Yilinga 5:14 Iomraidhean Croise

2 Samuel 6:19

Yapangila hakachi ka atu eswe, ye mbunga yeswe ya A-Izalele, ni malunga ni mapwo, kuli mweswe mbolo yimuwika, ni chihanda cha yifwo, ni chandanda cha uva jomu. Mba atu eswe yaya, mutu ku zuwo lienyi, mutu ku zuwo lienyi.

Ezra 10:1

Shimbu Ezera machilemba ni kushikisa, ni kulila, ni kufulamana kulutwe lia zuwo lia Zambi, kwakungulukile kuli iye mbunga yinene ya malunga ni mapwo ni ana a kuli A-Izalele, mumu atu alilile chikolo.

Nehemia 8:2

Sasendote Ezera yaneha shimbi kumeso ja chikungulwila, ni malunga ni mapwo, hanga eswe akevwe ni kusa chinyingi he ha tangwa litangu lia kakweji wamuchishimbiali.

Kutuhuka 35:22

Mba yaya, malunga ni mapwo eswe apwile ni mbunge ja kutá, yatwala mikosa, ni yingelengele, ni tuzeya, ni yijingo, ni upite weswe wa oru. Mukwa kulambula mweswe, walambwile Yehova mulambu wa oru.

Izaya 45:24

Kumakachamba ha kutwala kuli yami ngwo, Muli Yehova wika mwatwama ululi ni tachi. Waze eswe amuvwilile wuli kumeza kuli iye ni sonyi.

Yilinga 11:24

Mumu wapwile mutu mupema, wazalile tò ni Spiritu Musandu ni Ufulielo, ni mbunga yinene aliwezele kuli Mwene.

Yilinga 2:41

Hohene waze atambwile liji lienyi kanawa, aapapachishile, awezele kuli ayo ha tangwa lize liene ngwe tununu atatu a atu.

Yilinga 2:47

nikuhalisa Zambi, nikuwana vumbi kumeso ja atu eswe. Mba Mwene wawezele ku chikungulwila tangwa ha tangwa waze apwile nikulilamwina.

Yilinga 22:4

Nahungumionene Jila yino ndo ku kufwa, nikwakasa, nikukunjika ku mazuwo ja ususu, ni malunga ni mapwo.

Yilinga 4:4

Alioze anji a kuli waze evwile liji afulielele; ha kwalula malunga apwile ngwe tununu atano.

Yilinga 6:7

Mba liji lia Zambi liafumanyine; tumbaji okele kuhiana mu Yerusaleme; mbunga yinene ya asasendote ononokene ku Ufulielo.

Yilinga 8:12

Alioze muze afulielele Fwilipe ha kwambujola sango lipema lia kutwala ku wanangana wa Zambi ni jina lia Yesu Kristu, aapapachishile, ni malunga ni mapwo.

Yilinga 8:3

Alioze Saulu Wenyekene chikungulwila, nikunjila mu zuwo ni zuwo, nikumbulumuna malunga ni mapwo, waakunjikile ku zuwo lia ususu.

Yilinga 9:2

wamwichile mikanda ya kuya ku Ndamaseku, ku masunangonga, kachi mawana amwe a ku Jila yino, apwe malunga, apwe mapwo, akaanehe a kukasa ku Yerusaleme.

Yilinga 9:31

Chocho chikungulwila mu Yundeya mweswe ni Ngalileya ni Samaria ahwimine, alikolezele; endele mu woma wa Mwene ni mu kulembejeka cha Spiritu Musandu, mba okele.

Yilinga 9:35

Waze eswe atwamine ku Lita ni mu Sarone, amumwene, o atewulukilile kuli Mwene.

Yilinga 9:42

Mba achinyingikine ndusu mu Yopa mweswe, ni anji afulielele Mwene.

2 Korintu 6:15

Ni kutá chika akwete Kristu ni Mbeliale? Hanji chihanda chika akwete mukwa kufuliela ni yoze keshi kufuliela?

Galashia 3:28

Kukushi Ka-Yunda hanji Ka-Ngresia, kukushi ndungo hanji mwenya chifuchi, kukushi lunga hanji pwo; mumu yenu eswe nunapu umuwika muli Kristu Yesu.