Yilinga 5:11 - MUKANDA USANDU WA ZAMBI 1975

¹¹ Ni woma wunji wejile ha chikungulwila cheswe, ni hali waze eswe evwile yino yuma.

Mukanda Wa Zambi 1970

¹¹ Chikungulwila cheswe ni waze achivwile yeevwa woma unji.

Yilinga 5:11 Iomraidhean Croise

Miaso (Masamu) 89:7

Hakachi ka punga ya asandu Zambi kapwa kole ni woma. Hakachi ka waze eswe anamujingilika iye chatamba kumuvwila woma kuhiana.

Jeremia 32:40

Mungukakolesa no usendo wa mutolo, chichi katewuluka kuli ayo kulitwamina kwalinga yipema, mba mungukasa woma wami mu mbunge jo hanga o nawa kechi katewuluka kuli yami.

Yilinga 19:17

Ni waze eswe atwamine mu Efwesu, ni A-Yunda, ni A-Ngresia achinyingikine, ni woma wejile hali ayo eswe, ni jina lia Mwene Yesu liafumanyine.

Yilinga 2:43

Ni woma wejile hali atu eswe, ni yipekesa ni yilayi yinji ayilingile ku moko ja apostolo.

Yilinga 5:5

Ananiya ha kwivwa maliji ano, walimbukile hashi, wafwile; ni woma wunji wejile hali waze eswe achivwile.

Yilinga 9:31

Chocho chikungulwila mu Yundeya mweswe ni Ngalileya ni Samaria ahwimine, alikolezele; endele mu woma wa Mwene ni mu kulembejeka cha Spiritu Musandu, mba okele.

Filipu 2:12

Chocho kashika, yenu akwetu a zango, chizechene ngwe nwakwononoka matangwa eswe, hi kumeso jami wika ko, alioze haliapwila Shinaho chikolo se yami chishiko, manununenu ulamwino wa yenwene ni woma ni kuchikima;

Hebreu 11:7

Ku Ufulielo Noe wa kufumba kuli Zambi ha kutwala ku yuma yize kanda yichimoneka, se wevwile woma wa Zambi, walulikile ulungu akalamwine akwa zuwo lienyi; chochene wahishile akwa hashi, amupwishile swana ya ululi uze wakulita ni Ufulielo.

Hebreu 12:15

Talenu kanawa kuchina mapwa umwe wakuhona vumbi lia Zambi, kuchina muji umwe wa usasu muze wasoka, muunupinjisa, ni anji malichisa nawo;

Hebreu 12:28

Kashika, ha kutambula wanangana uze kuushi kuhasa kunyika, tupwenu ni vumbi, ku lize tukavumbike Zambi ni uvumbiko wa kupemena chikolo, ni ulemeso ni woma.

Hebreu 4:1

Twivwenu woma kashika, kuchina hanji, se hanatuhichikila chilakenyo cha kunjila mu uhwimino wenyi, umwe wa kuli yenu mamumona ngwe kanachihono.

1 Petulu 1:17

Nyi kachi nwakumutongola ngwenu, tata yoze keshi katonde, kakupatula nikulita ni chitanga cha mutu ni mutu, endenu ni woma, wenyi wenu weswe:

Usolwelo 15:4

Mwene, iya kechi kakuvwila woma, iya kechi kuchichimieka jina lie? Mumu yena wika uli musandu; mumu mavungu eswe kumakawayila kumeso je; mumu yilinga ye ya ululi hanayisolola.