Yilinga 4:31 - MUKANDA USANDU WA ZAMBI 1975

³¹ Muze te halemba, muma muze akungulukile mwanyikine; o eswe azalile tò ni Spiritu Musandu, mba ahanjikile liji lia Zambi ni hamu.

Mukanda Wa Zambi 1970

³¹ Muze haalemba, muma muze akungulukile yimunyika. Ayo eswe yaazala ni Mwiku wa Linanga, mba yaabutuka kwambujola liji lia Zambi ni hamu.

Yilinga 4:31 Iomraidhean Croise

Izaya 65:24

Mungukumbulula shimbu kanda achitambika; shimbu machihanjika mungwivwa.

Mateu 21:22

Ni yuma yeswe munwita ni Ufulielo ha kulemba, kumunukatambula.

Yoano 14:12

Pundu, pundu, ngunambe kuli yenu ngwami, Yoze mangufuliela, yitanga yize nakulinga yami, iye nawa kumakayilinga; ni yitanga yinene yahiana yino kumakayilinga; mumu ngunayi kuli Tata.

Yoano 15:16

Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho.

Yoano 15:7

Kachi munutwama muli yami, ni maliji jami matwama muli yenu, nukete cheswacho munuzanga, kumuchikapwa kuli yenu.

Yilinga 14:3

Anyongonweneko kashika shimbu linene, nikuhanjika ni hamu muli Mwene, mwenawo washindakenyene ku liji lia vumbi lienyi se atayijile yilayi ni yipekesa akayilinge ku moko jo.

Yilinga 2:1

Muze tangwa lia Pentekoste hiliaheta, o eswe apwile hamuwika ni mbunge yimuwika muma mumuwika.

Yilinga 2:2

Susumuku kwakatukile mwilu lundunjila ngwe kutakumuka cha fuji ya tachi, chazalishile zuwo lieswe, muze atwamine.

Yilinga 2:4

O eswe azalile tò ni Spiritu Musandu, aputukile kuhanjika mu malimi eka, ngwe Spiritu waahele kuhanjika.

Yilinga 4:13

Muze amwene hamu lia Petulu ni Yoano, kananyingika apwile atu waze kaalongesele, kajamine ku masona, akomokene; o aasele chinyingi ngwo, Wano apwile hamwe ni Yesu.

Yilinga 4:29

Haliapwila, Mwene, tala kama kwomisa cho: hana kama kuli ndungo je akahanjike liji lie ni hamu lieswe,

Filipu 1:14

Ni anji ahiana a kuli mandumbu nikulikolela kuli Mwene ha makana jami, kanahiana kuhamuka mukuhanjika liji lia Zambi ni woma wakuhi.

Filipu 1:20

Nikulita ni usona wami, ni kutalatala chami, ngwami, Ku nichimwe chichi kevwa sonyi, alioze ni hamu lieswe, chizechene ngwe matangwa eswe, haliapwila nawa Kristu mamutomesa mu mujimba wami, chipwe ku mwono, chipwe ku kufwa.

Tiangu (Jake) 1:5

Alioze kachi umwe wa kuli yenu mahona mana, akete kuli Zambi, yoze wakuhana kuli eswe ni kuvungumuna, keshi kuchoka; mba kumakamwaho.