Yilinga 4:28 - MUKANDA USANDU WA ZAMBI 1975

²⁸ mukulinga cheswacho kwoko lie ni mana je afunjikile Shimbu-kanda.

Mukanda Wa Zambi 1970

²⁸ Haalinga chino amanunune chize yena wabatwile kulu mu upale we ni zango lie.

Yilinga 4:28 Iomraidhean Croise

Ubutukilo 50:20

Nyi yenu, e, nwangunyongenene chipi, alioze Zambi wangupalilecho chipema, hanga akachilinge akafunge atu anji ni mwono; chocho chapwa musono.

Jobe 12:13

Zambi kali ni mana ni ndundo; chiyulo ni chinyingi niyenyi.

Miaso (Masamu) 76:10

Chamwenemwene ufwatulo wa atu muwiza kukuhalisa. Ufwatulo wasalaho mukalijichikawo.

Yishima 21:30

Mana a kulimika ni Yehova, hanji malinjekela, hanji yiyulo yakuhi.

Izaya 14:24

Yehova-wa-Tujita hanalishingi ngwenyi, Kumuchikapwa chizechene ngwe hinapala. Kumuchikakola chizechene ngwe hinafunjika ngwami,

Izaya 28:29

Chino nawa chinakatuka kuli Yehova-wa-Tujita. Iye Wahiana ha kulongesa mana, yinyingi yenyi ye yipema.

Izaya 37:26

Te kwevwile ngwe nachesekele kulu, ngwe nachipalile ku shakulu? Mba haliapwila hinachilinga hanga ukapwe yena mukwa kupupa yihunda ya yipanga-ya-mawe yikapwe milumba ya yiswaswa.

Izaya 40:13

Iya walongesele Spiritu ya Yehova? Iya walitengele chifumbe chenyi?

Izaya 46:10

Nikulumbununa songo chize ku uputukilo. Chize ku shakulu nakulumbununa yuma kanda ayilinga, nikwamba ngwami, Upale wami muukakola, kumungukalinga chize nafunjikile.

Izaya 5:19

Kakwamba ngwo, Atambukeko, apupwise milimo yenyi hanga tukayimone. Upale wa mwe Musandu wa Izalele Ukundame, wize tuunyingike!

Izaya 53:10

Hindu Yehova wapalile kumuwonda. Iye hanamumwesa chikulikuli. Muze makapwisa mwono wenyi mulambu ha shili, iye kumakamona munyachi wenyi, kumakasuhisa matangwa jenyi; upale wa Yehova muuwaha mu moko jenyi.

Mateu 26:24

Mwe Mwana Mutu maya chamwenemwene, nikulita ngwe chinasonewa hali iye; alioze lamba kuli yoze mutu makunjika mwe Mwana Mutu! hapwa hali yoze mutu kachi kasemukineko.

Mateu 26:54

Ngwe kuchi kevwe yisoneko muyimanunuka ngwo, Chocho chatamba kupwa?

Luka 22:22

mumu mwe Mwana Mutu chamwenemwene maya ngwe amuselelecho; alioze lamba kuli yoze mutu mamukunjika!

Yilinga 2:23

iye, se amukunjikile kushi nikulita ni upale ni chinyingi cha Zambi, yenu nikumukwata ni moko ja yingulungulu, hinunamuhachila ha kulusu, hinunamushihi;

Yilinga 3:18

alioze Zambi chocho hanamanununa chize ambulwile Shimbu-kanda ku makanwa ja aprofeta jenyi eswe ngwo, Kristu yenyi makevwa lamba.

Efesu 1:11

Muli iye nawa hanatupwisa chihinga, se atufunjikile shimbu te miaka kanda yipwa, nikulita ni kupala cha yoze wakulingisa yuma yeswe nikulita ni mana ja upale wenyi;

Hebreu 6:17

Muze mwene Zambi nikuzanga kulweza kuhiana chikolo kuli maswana ja chilakenyo, ngwe upale wenyi kuushi kuhasa kwalumuka, wachikolesele ni shingo.