Yilinga 4:27 - MUKANDA USANDU WA ZAMBI 1975

²⁷ mumu chamwenemwene mu limbo lino, mukulimika ni Kavumbi ke Musandu Yesu, yoze wamuwayishile ni maji, ni Heronde ni Ponteu Pilatu, hamwe ni akwa mavungu ni atu a mu Izalele, akungulukile,

Mukanda Wa Zambi 1970

²⁷ Mumu chamwenemwene mu limbo lino Herode ni Ponteu Pilatu haalichinga ni yilambala ni Aisraele mu kulimika ni Kavumbi ke wa Linanga, Yesu, Chilamwina yoze walakenyene.

Yilinga 4:27 Iomraidhean Croise

Jobe 14:4

Iya mahasa kuchiza chuma chipema muchima lia chuma chipi? Niumwe.

Jobe 15:14

Mutu kuchi apwa mahasa kupema? Mukwa kusemuka kuli pwo kuchi apwa akasambe?

Jobe 25:4

Mba mutu kuchi mahasa kusamba kumeso ja Zambi? Yoze unasemuka kuli pwo kuchi mahasa kupema?

Miaso (Masamu) 2:2

Mianangana a hashi kakulilonga; akwa kuyula kakutwama punga ya kulimika ni Yehova ni yoze amuwayishile ni maji kuli iye, ngwo,

Miaso (Masamu) 2:6

Hindu yami hingunawayisa ni maji mwanangana wami ha Zaione, we mulundu wami lisandu.

Miaso (Masamu) 45:7

Kuwazanga ululi; kuwavwila kole ungulungulu; kashika Zambi, Zambi ye, hanakuwayisa ni maji a uwahililo helu lia akwenu.

Izaya 37:26

Te kwevwile ngwe nachesekele kulu, ngwe nachipalile ku shakulu? Mba haliapwila hinachilinga hanga ukapwe yena mukwa kupupa yihunda ya yipanga-ya-mawe yikapwe milumba ya yiswaswa.

Izaya 49:7

Yehova, mwe Mukwa-Kukula Izalele, kanda Musandu wenyi, kanambe kuli yoze amulelesele chikolo, yoze amuvwilile lwaji ku mavungu, yoze wapwile kavumbi ka akwa kuyula, ngwenyi, Mianangana mamona mba makatuka; alemu mamona mba mafulamana hashi, ha mukunda wa Yehova, mwe mukwa jika, mwe Musandu wa Izalele yoze waatongwele.

Izaya 53:3

Amulelesele, alitunyineye kuli atu. Iye mukwa yinyengo, mukwa kulijilila ni chikulikuli; ngwe umwe atu mamuswekela meso jo, chocho amulelesele. Etu kutwamusele mbunge.

Izaya 61:1

Spiritu ya Mwene Yehova hwali hali yami, mumu Yehova hananguwayisa ngukanehe sango lipema kuli yiswale. Hanangutumu ngukawuke waze amakuka mbunge, kwambujola kutusuka kuli funge, ni kwazulwila mapito a zuwo lia ususu kuli waze anakashiwa.

Mateu 14:1

Ha mwaka uze nguvulu Heronde wevwile lufuma wa Yesu,

Mateu 14:3

Mumu te Heronde wakwachile Yoano kulu, wamukashile, wamusele mu zuwo lia ususu, mumu hali Herondeya, pwo lia mwanakwo Fwilipe.

Mateu 14:6

Alioze muze tangwa lia kusemuka cha Heronde liahetele, mwana Herondeya wa pwo, wahanganyine mukachi ko, neye wapemenene kuli Heronde.

Mateu 21:28

Alioze kuchi nunashinginyeka? Mutu wapwile ni ana aali a malunga. Wejile kuli mutangu ngwenyi, Mwanami, yako musono ukalinge mu munda.

Mateu 23:37

A Yerusaleme! A Yerusaleme! Yena, wakushiha aprofeta, wakwasa mawe waze aatumine kuli yena! Yisuho yipwa haha hingunazange kukungulula ana je ngwe chali makunga ana jenyi mushi lia mapulwa jenyi, ni yenu kunwatayileko!

Mateu 27:2

Amukashile, amutwalile, akamukunjike kuli nguvulu Pilatu.

Marku 10:33

Ngwenyi, tunakanduka ku Yerusaleme; kumakakunjika mwe Mwana Mutu kuli asasendote akwa lutwe ni akwa kusonyeka; o kumakamuhisa akafwe, kumakamukunjika kuli akwa mavungu:

Marku 15:31

Chizechene asasendote akwa lutwe nawa ni akwa kusonyeka, ha kumulenya hakachi ko, ambile ngwo, Walamwinyine akwo; kahashile kulilamwina mwene.

Luka 1:35

Mungelo wamukumbulwile ngwenyi, Spiritu Musandu kumeza hali yena, ni tachi ja mwe Chitunda kumujikuzulamina Chizulie; kashika nawa chuma chisandu chize muchikasemuka, kumakamuvuluka ngwo, Mwe Mwana Zambi.

Luka 22:63

Malunga waze akwachile Yesu, amukekwine, amulambile.

Luka 23:1

Mba chizavu cho cheswe akatukile, amutwalile kuli Pilatu.

Luka 4:18

Spiritu ya Mwene hwali hali yami, Mumu hananguwayisa ni maji kwambujola sango lipema kuli yiswale; Kuhindwisa waze akumakuka ku mbunge; Hanangutumu kwambujola utuswilo kuli funge, Kulawisa cha meso kuli tupuputa; Kutusula waze ali mu upinjilo.

Luka 9:22

Ngwenyi, Chatamba mwe Mwana Mutu kwivwa lamba linji, akalituneye kuli makulwana, ni asasendote akwa lutwe, ni akwa kusonyeka, akamushihe, ni ha tangwa liamuchitatu akahinduke.

Yoano 1:11

Wejile ku yuma yenyi mwene, ni atu jenyi mwene kamutambwileko;

Yoano 10:36

nunambe hali yoze Tata hanamusela ku lisandu, hanamutumu hano hashi ngwenu, Yena unashililika Zambi, mumu hinamba ngwami, Mwe Mwana Zambi yami, nyi?

Yoano 18:28

Yachiza Yesu kashika kuli Kayafwa, akaye ku palasiu ya nguvulu; kwapwile chimenemene; ene kanjilile mu palasiu, hanga kechi kulichisa: alioze hanga akalie Chizomboka.

Yoano 18:29

Pilatu kashika watuhukile kuli ayo, wambile ngwenyi, Mulonga uka nunasumu yono mutu?

Yoano 19:34

alioze umwe wa kuli maswalale watuwile lumbu lienyi ni kunga, ni haze hene mwatuhukile manyinga ni meya.

Yilinga 10:38

ngwami, Yesu wa ku Nazare, ngwe amuwayishile ni maji kuli Zambi ni Spiritu Musandu ni tachi: iye wendele nikulinga yipema, nikuhindwisa waze eswe aamwesene lamba kuli Ndiapu; mumu Zambi wapwile hamwe nenyi.

Yilinga 2:27

mumu yena kuchi kahichika alma yami mu Heteze, chipwe kuchi katayiza Musandu we kumona kupola.

Yilinga 4:30

shimbu muolola kwoko lie mukuhindwisa; hanga akalinge yilayi ni yipekesa ku jina lia Kavumbi ke musandu Yesu.

Hebreu 7:26

Mumu sasendote mukwa lutwe ngwe yono watutelele, musandu, mukwa kusamba, kalichishile, kahandunuka kuli yivulumunyi, hamusa helu lia malilu.