Yilinga 4:24 - MUKANDA USANDU WA ZAMBI 1975

²⁴ O, muze achivwile, ahetwile liji lio ni mbunge yimuwika kuli Zambi, akambe ngwo, Mwene, mwe Zambi yena, yoze watangile lilu ni hashi ni kalunga-lwiji, ni yize yeswe yilimo;

Mukanda Wa Zambi 1970

²⁴ Ha kwivwa liji lino, yaalemba Zambi ni mbunge yimuwika ngwo: “Mwene, yena watangile lilu, ni hashi, ni kalunga lwiji, ni yeswe yize yilimo.

Yilinga 4:24 Iomraidhean Croise

1 MIANANGANA 19:15

Mba Hezekia yalemba kumeso ja Yehova ngwenyi, Yehova, Zambi ya Izalele kuwatwama hali akerupimi, ena uli Zambi, yena wika, wa mawanangana eswe a hashi. Uli Tangi ya mwilu ni hashi.

1 MIANANGANA 19:19

Kashika Yehova Zambi yetu, utulamwine yena ku moko jenyi, ngunalembe, hanga mawanangana eswe a hashi akanyingike ngwo, Ena uli Yehova Zambi, yena wika.

Nehemia 9:6

Yena uli Yehova; yena mwene ukawe. Yena watangile lilu, ni lilu lia malilu ni mbunga yamo yeswe, ni hashi ni yuma yeswe yiliho, ni tulunga-njiji ni yuma yeswe yilimo; ni yena kuwakuyifunga yeswe. Mbunga ya mwilu kakukuwayila.

Kutuhuka 20:11

Mumu ha matangwa asambano Yehova alingile malilu, ni hashi, ni kalunga-lwiji ni yuma yeswe yilimo. Yahwima ha tangwa liamuchishimbiali. Kashika Yehova wawahishile lie tangwa lia Sambata. Yalipwisa lisandu.

Izaya 51:12

Yami, yami mwene nakunuwumbijeka; kuchi nwapwa nukavwile woma mutu mukwa kufwa, hanji umwe mwana mutu hamupwisa ngwe mwambu?

Jeremia 20:13

Imbilenu Yehova! Halisenu Yehova! Mumu hanapulula mwono wa akwa kuhona ku moko ja akwa kulinga yipi.

Jeremia 32:17

Mwene Yehova! Yena watangile malilu ni hashi ni ndundo je jinene ni kwoko lie lia kuzoza. Nichimwe chuma muchikukalila naye.

Yilinga 14:15

Malunga, kuchi te nunalingi yino yuma? Yetu tuli atu chimuwika ngwe yenu, tunanwambulwila sango lipema, ngwetu, Chanutamba kwehuka yuma yino ya kuseka, nukatewulukile kuli Zambi ya mwono, yoze watangile lilu ni hashi ni kalunga-lwiji, ni yuma yize yeswe yilimo:

Yilinga 16:25

Alioze ha muchima ufuku Paulu ni Saila apwile nikulemba, nikwimba miaso kuli Zambi, ni funge aapanjikile;

Yilinga 4:23

O, ha kwaecha, ayile kuli atu jo, mba aambulwilile yize yeswe asasendote akwa lutwe ni makulwana ambile kuli ayo.