Yilinga 4:21 - MUKANDA USANDU WA ZAMBI 1975

²¹ Muze te haomisa nawa, aechele kuya, se kawanyine chuma nichimwe ngwe chize mahasa kwalamba, mumu ha mukunda wa atu; mumu eswe achichimiekene Zambi ha chize alingile.

Mukanda Wa Zambi 1970

²¹ Muze akwa lutwe haaha chikolo koki, yeecha aye. Kaamwene ko chikuma nichimwe cha kwahela lamba, mumu atu eswe yaachichimieka Zambi ha chikuma chize.

Yilinga 4:21 Iomraidhean Croise

Mateu 15:31

chocho mbunga akomokene muze amwene tumama kanahanjika, yitonji angunu, yilema kanende, tupuputa kanalaula ku meso: no achichimiekene Zambi ya Izalele.

Mateu 21:46

Alioze muze afupile kumukwata, evwile woma wa mbunga, mumu amumwene ngwe profeta.

Mateu 26:5

Alioze ambile ngwo, Hi ha chiwanyino ko, kuchina zungo mulipwa hakachi ka atu.

Mateu 9:33

Mba muze te hatuhwisa ndemoniu, kamama wahanjikile: ni mbunga alishikishilile ngwo, Kuchasolokele chocho nilimwe tangwa mu Izalele.

Mateu 9:8

Muze mbunga achimwene, alishikishilile, achichimiekene Zambi yoze wahanyine chiyulo chipwa haha kuli atu.

Luka 13:17

Shimbu ahanjikile yino yuma, akwa kulimika nenyi eswe evwile sonyi; ni mbunga awahililile ha yuma ya uhenya yize yeswe alingile iye.

Luka 20:19

Asasendote akwa lutwe ni akwa kusonyeka afupile ha ola yize yene kumukwata; o evwile woma wa atu, mumu anyingikine ngwo, Watele chishima chino cha kutuhisa.

Luka 20:6

Alioze kachi mutwamba ngwetu, Kuli atu; atu eswe kumatwasa mawe; mumu kanakunuka ngwo, Yoano iye profeta.

Luka 22:2

Ni asasendote akwa lutwe ni akwa kusonyeka afupile ngwe chize mahasa kumushiha; mumu evwile woma wa atu.

Luka 5:26

Eswe alishikishilile, o achichimiekene Zambi; nikuzala tò ni woma, ngwo, Hitunamono yuma ya yipupu musono uno.

Yilinga 4:17

alioze hanga kuchichi kafumana nawa hakachi ka atu, twaomisenu chikolo, ngwetu, Kanda ahanjika nawa kuli mutu niumwe mu jina lino.

Yilinga 4:22

Mumu yoze mutu hali iye alingile chilayi chino cha kuhindwisa, hahiana kulu makumi awana a miaka.

Yilinga 5:13

Alioze a kuli akwo niumwe wahamukine kulinunga no: alioze atu aachichimiekene;

Yilinga 5:26

Hohene kapitau wayile hamwe ni tupita, waanehene, alioze kaalambile; mumu evwile woma wa atu kuchina maasa mawe.

Yilinga 5:40

O yatá kuli iye: ni muze te hatambika apostolo, aalambile, aahele koki ngwo, Kanda nukahanjika mu jina lia Yesu, mba aechele kuya.