Yilinga 4:20 - MUKANDA USANDU WA ZAMBI 1975

²⁰ mumu yetu kutwahashile shina kuhanjika yuma yize twamwene, twevwile.

Mukanda Wa Zambi 1970

²⁰ Mumu yetu kutwahashile kuhola ha yize twevwile ni yize twamwene.”

Yilinga 4:20 Iomraidhean Croise

2 Samuel 23:2

Spiritu ya Yehova wahanjikile muli yami, Liji lienyi liapwile ha limi liami.

Jeremia 1:7

Alioze Yehova yamba kuli yami ngwenyi. Kanda wamba ngwe, Nguchili mukweze, mumu muoya kuli waze eswe mungukutuma, muhanjika cheswacho mungukwamba.

Jeremia 20:9

Nyi mungwamba ngwami, Chichi kumuvuluka, chichi kutongola jina lienyi nawa, mu mbunge yami mwapwa ngwe kahia ka kulengenya ka kukashila mu yifwaha yami. Yikatalo ngunevu ya kusúla nako; Chahashile.

Jeremia 4:19

Mbunge yamie—mbunge yamie— ngunalifwichi ni yikola. Mama yami—mbungeie— Mbunge yami yinalipupula; Chahashile kuhwima mumu ngunevu liji lia chitavwi, we mutambi wa jita.

Jeremia 6:11

Kashika kunazala ni ufwatulo wa Yehova, janguhwa ni kusúla. Uuzukule hali ana ha tapalo, ni ha mbunga ja akweze nawa. Ni pwo ni lunga maambata, ni makulwana ni tushinakaji.

Ezekiel 3:11

Yako, ukaye kuli njize, kuli atu je, ukambe kuli ayo ngwe, Mwene Yehova kanambe, chipwe mevwa, chipwe kasolo kwivwa.

Amose 3:8

Ndumba hahiohia, iya kechi kwivwa woma? Mwene Yehova hanahanjika, iya mahasa kuhola ni uprofeto?

Mika 3:8

Alioze ha kutwala kuli yami hananguzalisa ni tachi, ni Spiritu wa Yehova, ni ululi, ni ndundo, ngukalumbunwine Yakomba uvulumunyi wenyi ni kuli Izalele shili yenyi.

Kwalula 22:38

Mbalau yamba kuli Mbalake ngwenyi, Kutala! Hineza kuli yena. Alioze te mungupwa ni tachi ja kuhanjika liji limwe? Lie liji Zambi masa mu kanwa liami lienalio munguhanjika.

Kwalula 23:20

Hinatambula shimbi ya kuwahisa. Iye hanawahisa, yami chichi kuhasa kuchalumuna.

Luka 1:2

chizechene ngwe atukunjikileyo, waze apwile yela ni tulala twa lie liji, chize ku uputukilo,

Yilinga 1:22

putu ku upapachiso wa Yoano ndo ku tangwa lize amuchijile kuli yetu amutambule mwilu, chatamba umwe wa kuli wano akapwe chela hamwe ni yetu cha Uhindukilo wenyi.

Yilinga 1:8

Alioze kumunukatambula tachi, muze Spiritu Musandu heza hali yenu: kumunukapwa yela jami, ni mu Yerusaleme, ni mweswe mu Yundeya, ni Samaria, ni ndo ku kasula-songo lia hashi.

Yilinga 18:5

Muze Saila ni Timoteu apalumukine ku Masendoniya, lie liji lialemene Paulu, nikushindakenya chikolo ni mbunge yeswe kuli A-Yunda, ngwenyi, Yesu iye mwe Kristu.

Yilinga 2:32

Yono Yesu, Zambi hanamuhindwisa, hali iye yetu eswe tuli yela.

Yilinga 2:4

O eswe azalile tò ni Spiritu Musandu, aputukile kuhanjika mu malimi eka, ngwe Spiritu waahele kuhanjika.

Yilinga 22:15

Mumu kumukapwa chela hali iye kuli atu eswe, ha chize hiwamona, ni chize hiwevwa.

Yilinga 3:15

Nwashihile mwe Kaputu ka mwono; yoze Zambi wamuhindwishile hakachi ka afu; ha chino yetu tuli yela.

Yilinga 5:32

Ni yetu tuli yela ja yino yuma; ni Spiritu Musandu nawa, yoze Zambi hanahana kuli waze akumwononokena.