Yilinga 4:19 - MUKANDA USANDU WA ZAMBI 1975

¹⁹ Alioze Petulu ni Yoano, waakumbulwile, ngwo, Shina chinate kumeso ja Zambi kupanjika kuli yenu shina kuli Zambi, chipatulenu yenu:

Mukanda Wa Zambi 1970

¹⁹ Alioze Petulu ni Yoano yaakumbulula ngwo: “Batulenu yenwene, nyi chinalite ku meso ja Zambi kwononokena atu kuhiana Zambi.

Yilinga 4:19 Iomraidhean Croise

1 Yitanga Ya Mianangana 12:30

Chuma chino chapwile mulonga mumu atu ayile kuwayila kumeso ja umwe, ndo ku Ndane.

1 Yitanga Ya Mianangana 13:19

Chocho yahiluka nenyi yalia mu zuwo lienyi yanwa meya.

1 Yitanga Ya Mianangana 14:16

Kumakakunjika A-Izalele mumu ha milonga ya Jeroboame yize havulumuna; yize havulumwisa nayo A-Izalele.

1 Yitanga Ya Mianangana 21:11

Chocho malunga a chihunda chenyi e makulwana ni alemu enyembo jenyi yalinga chize Jezebele yaatuma chizechene ngwe hasoneka mu mikanda yize aatumine.

1 Yitanga Ya Mianangana 22:14

Mikaia ngwenyi, Ni mwono wa Yehova, cheswacho Yehova mangwamba chenacho munguhanjika.

1 MIANANGANA 16:15

Mba mwanangana Ahaze yatuma sasendote Urija ngwenyi, Ha chilumbilo chinene muwochela mulambu wa kulumba wa chimene, ni mulambu wa ngoloshi wa wunga, ni mulambu wa kulumba wa mwanangana, ni mulambu wenyi wa wunga, ni mulambu wa kulumba wa atu eswe a chifuchi, ni mulambu wo wa wunga, ni milambu yo ya kunwa. Musapwilaho manyinga eswe a mulambu wa kulumba, ni manyinga eswe a chitapo, alioze chilumbilo cha unengu muchipwa cha yami ngupwe nikuhulilako.

1 MIANANGANA 16:16

Chocho sasendote Urija yalinga nikulita ni shimbi jeswe mwanangana Ahaze yamwaha.

Miaso (Masamu) 58:1

Ha kuhola kulungunga nunahanjika ululi, nyi? Enu ana ja atu, nwakupatula ni umwenemwene, nyi?

Kutuhuka 1:17

Alioze yifunguji avwilile woma Zambi, kalingile ngwe mwanangana wa Engitu ambile kuli ayo, ka. Yatunga ni mwono ana a malunga.

Jeremia 26:12

Henaho Jeremia yamba kuli alemu eswe ni atu eswe ngwenyi, Yehova wangutumine kuprofeteza kulimika ni zuwo lino ni chihunda chino maliji ano eswe hinwevwa.

Daniel 3:18

Alioze nyi ka, nyingikenu mwanangana, hindu kutuchi kulingila mazambi jenu, chipwe kuwayila kaponya ka oru yono hinwamika.

Daniel 6:10

Daniel muze hanyingika ngwenyi, Hasa jina ku mukanda uze, yaya ku zuwo lienyi kuze te kali ni njanela mu chipatulo cha mwilu ya washi ya kutalikisa ku Yerusaleme. Yazondama ha makungunwa jenyi ni kulemba ni kusakwila kuli Zambi yenyi katatu ha tangwa chizechene ngwe wapwile nikulinga kulu.

Hosea 5:11

Eframe kanamupinjisa, kanamufwenye mu upatwilo mumu wasele mbunge yenyi kukaula yuma yamokomoko.

Amose 7:16

Kashika ivwa liji lia Yehova. Ena unambe ngwe, Kanda uprofeteza kulimika ni Izalele, kanda ushindakenya kulimika ni munyachi wa Izake.

Mika 6:16

Mumu nwakufunga shimbi ja Omiri, ni yitanga yeswe ya munyachi wa Ahabe, ni yenu nwakwenda mu yiyulo yo, hanga ngukapwiseko kwa hululu, ni akwa kutwamako akasauke. Chocho kulenya cha mavungu muchikapwa hali yenu.

Mateu 22:21

Ngwo, Cha Sesare. Hohene yamba kuli ayo ngwenyi, Hanenu kevwe kuli Sesare yuma ya Sesare; ni kuli Zambi yuma ya Zambi.

Luka 22:8

Iye watumine Petulu ni Yoano, ngwenyi, Yénu, nukatuluiikile Chizomboka, hanga tukalie.

Yoano 7:24

Kanda nukapatula nikulita ni meso jenu, alioze patulenu upatwilo wa ululi.

Yilinga 4:13

Muze amwene hamu lia Petulu ni Yoano, kananyingika apwile atu waze kaalongesele, kajamine ku masona, akomokene; o aasele chinyingi ngwo, Wano apwile hamwe ni Yesu.

Yilinga 5:28

Tunakanwaha koki ngwetu, Kanda nukalongesa mu jina lino: ni kumanyi, hinunazalisa Yerusaleme ni longeso lienu, nunafupu kuneha manyinga ja yono mutu hali yetu.

Yilinga 5:29

Alioze Petulu ni apostolo aakumbulwile, ngwo, Chatutamba kwononoka kuli Zambi, hi kuli atu ko.

1 Korintu 10:15

Ngunahanjika ngwe kuli akwa kukanyama; patulenu chize ngunambe.

2 Korintu 4:2

alioze hitunalituna yuma ya kuhengama ya sonyi; kutwendele ni kalimbavuli, chipwe kutwalongesele liji lia Zambi ni kalimbalimba; alioze ha kwambulula umwenemwene, twakusoloka kanawa ku mbunge ya atu eswe kumeso ja Zambi.

Efesu 6:1

Yenu ana, Ononokenu kuli yisemi jenu muli Mwene, mumu chino chinate.

1 Timoteu 2:3

Mumu chino chinawaha, chinapemena chikolo kuli Zambi Chilamwina chetu,

Hebreu 11:23

Ku Ufulielo, muze te Mose hasemuka, amuswekele kuli yisemi jenyi tukweji atatu, mumu amumwene mwana wa vumbi, o kevwileko woma ku chiyulo cha mwanangana.

Tiangu (Jake) 2:4

kunwasele katonde hakachi ka yenwene, nyi? Kunwalipwishile sopi ni manyonga ja ungulungulu, nyi?