Yilinga 4:17 - MUKANDA USANDU WA ZAMBI 1975

¹⁷ alioze hanga kuchichi kafumana nawa hakachi ka atu, twaomisenu chikolo, ngwetu, Kanda ahanjika nawa kuli mutu niumwe mu jina lino.

Mukanda Wa Zambi 1970

¹⁷ Alioze, hanga kuchichi kafumana kuhiana hakachi ka atu, twaakanjisenu ngwetu, kanda akahanjika nawa kuli mutu niumwe mu jina lino.”

Yilinga 4:17 Iomraidhean Croise

Jeremia 38:4

Mba e alemu yamba kuli mwanangana ngwo, Yono lunga chatamba kumushiha mumu kanachiza tachi kuli maswalale waze asala mu chihunda chino, ni kuli atu eswe, ha kuhanjika maliji wano kuli ayo. Yono lunga kafupile kuwahisa akwa vungu lino; kanafupu kwalambula.

Amose 2:12

Alioze nwanwishine Anazireu vinyu; nwambile aprofeta ngwenu, Kanda nuprofeteza.

Mateu 27:64

Ambenu kashika akoleke fuka ndo ku tangwa liamuchitatu, kuchina hanji tumbaji twenyi meza ha ufuku akamwiye, akambe kuli atu ngwo, Hahinduka mukachi ka afu; mba kulumbuka cha kusula muchihiana kulumbuka chitangu.

Mateu 9:30

Mba meso jo alawile, ni Yesu waahele chikolo koki ngwenyi, Niumwe mutu kanda akachinyingika.

Yoano 15:21

Alioze yino yuma yeswe makalinga kuli yenu, mumu ha jina liami, mumu kanyingikine yoze wangutumine.

Yilinga 4:21

Muze te haomisa nawa, aechele kuya, se kawanyine chuma nichimwe ngwe chize mahasa kwalamba, mumu ha mukunda wa atu; mumu eswe achichimiekene Zambi ha chize alingile.

Yilinga 5:24

Muze kapitau ka tembele ni asasendote akwa lutwe evwile maliji ano, akakashanyine chikolo hali ayo te chize chuma chino muchiza kupwa.

Yilinga 5:28

Tunakanwaha koki ngwetu, Kanda nukalongesa mu jina lino: ni kumanyi, hinunazalisa Yerusaleme ni longeso lienu, nunafupu kuneha manyinga ja yono mutu hali yetu.

Efesu 6:9

Yenu miata, lingenu yuma yimuwika kuli ayo, nikulitwamina kwomisa: se nunanyingika yoze wapwa Mwene wa eswe aali, niwo kanda niwenu, mwilu mwali, iye keshi katonde niumwe.

1 Tesalonika 1:8

Mumu kuli yenu liji lia Mwene hiliahiohia, hi mu Masendoniya ni Akeya wika ko, alioze nawa mu yifuchi yeswe Ufulielo wenu kuli Zambi hiunafumana; chocho kuchatutambile yetu kwamba nichimwe.

1 Petulu 2:23

Muze amutukile, katukanyine; muze evwile lamba, komishine; aiioze walikunjikile ku moko ja yoze wakupatula ni ululi.