Yilinga 4:14 - MUKANDA USANDU WA ZAMBI 1975

¹⁴ Alioze se anamono mutu yoze amuwukile kanamana hamwe no, kahashile kwamba nichimwe cha kuhamika.

Mukanda Wa Zambi 1970

¹⁴ Alioze ha kumona mutu yoze awukile kanamana hamwe ni Petulu ni Yoano, hikaahashile kwamba nawa nichimwe.

Yilinga 4:14 Iomraidhean Croise

Yilinga 19:36

Yino yuma kashika se niumwe mahasa kulikalayo, Chanutamba kutuluka, kanda nulipupula.

Yilinga 4:10

nyingikenu eswe, ni atu eswe a Izalele, ngwetu, Mu jina lia Yesu Kristu, Ka-Nazare, yoze yenu nwamuhachilile ha kulusu, Zambi amuhindwishile hakachi ka afu, ku tachi jenyi yono kanamana kuno kumeso jenu mungunu.

Yilinga 4:13

Muze amwene hamu lia Petulu ni Yoano, kananyingika apwile atu waze kaalongesele, kajamine ku masona, akomokene; o aasele chinyingi ngwo, Wano apwile hamwe ni Yesu.

Yilinga 4:15

Alioze muze te haamba atuhuke muma mwa kutwamina punga, alihanjikishile umwe kuli mukwo ni mukwo,

Yilinga 4:16

ngwo, Kuchi mutulinga kuli atu ano? Mumu chamwenemwene chinasoloka kuli waze eswe akutwama mu Yerusaleme, chilayi cha kukomwesa hanachilingi ku moko jo; kutwahashile kulikalacho;

Yilinga 4:21

Muze te haomisa nawa, aechele kuya, se kawanyine chuma nichimwe ngwe chize mahasa kwalamba, mumu ha mukunda wa atu; mumu eswe achichimiekene Zambi ha chize alingile.