Yilinga 4:13 - MUKANDA USANDU WA ZAMBI 1975

¹³ Muze amwene hamu lia Petulu ni Yoano, kananyingika apwile atu waze kaalongesele, kajamine ku masona, akomokene; o aasele chinyingi ngwo, Wano apwile hamwe ni Yesu.

Mukanda Wa Zambi 1970

¹³ Ha kumona hamu lia Petulu ni Yoano, akwa lutwe yaalishimwoka, mumu te kaananyingika ngwo, kaali atu waze kaajaminyine ha kulilongesa. No yaasa chinyingi ngwo, wano e abwile hamwe ni Yesu.

Yilinga 4:13 Iomraidhean Croise

Mateu 11:25

Ha mwaka uze Yesu wakumbulwile ngwenyi, Ngunakuhalisa Tata, Mwene wa lilu ni hashi, mumu wahengekele yino yuma kuli akwa mana ni akwa malinjekela, wayisolwele kuli ana-akemba.

Mateu 26:71

Muze te hatuhuka haze mushi lia senge, mukwo wamumwene, yamba kuli waze apwileko ngwenyi, Yono nawa kapwanga hamwe ni Yesu Ka-Nazare.

Mateu 26:73

Kulutwe hakepe waze amanyineko ejile, ambile kuli Petulu ngwo, Chamwenemwene ni yena nawa uli umwe wa kuli ayo; mumu kuhanjika che chinakusolola.

Luka 22:8

Iye watumine Petulu ni Yoano, ngwenyi, Yénu, nukatuluiikile Chizomboka, hanga tukalie.

Yoano 19:26

Muze kashika Yesu amwene naye, ni kambaji yoze amuzangile kanamanako, yamba kuli naye ngwenyi, Pwo, tala mwané!

Yoano 7:15

Kashika A-Yunda akomokene, ngwo, Ngwe kuchi yono analongoloka se kalilongesele nilimwe tangwa.

Yoano 7:49

Alioze mbunga yino kanyingikine shimbi kashingiwa.

Yilinga 4:14

Alioze se anamono mutu yoze amuwukile kanamana hamwe no, kahashile kwamba nichimwe cha kuhamika.

Yilinga 4:19

Alioze Petulu ni Yoano, waakumbulwile, ngwo, Shina chinate kumeso ja Zambi kupanjika kuli yenu shina kuli Zambi, chipatulenu yenu:

Yilinga 4:29

Haliapwila, Mwene, tala kama kwomisa cho: hana kama kuli ndungo je akahanjike liji lie ni hamu lieswe,

Yilinga 4:31

Muze te halemba, muma muze akungulukile mwanyikine; o eswe azalile tò ni Spiritu Musandu, mba ahanjikile liji lia Zambi ni hamu.

Yilinga 9:27

Alioze Mbamavwe wamutwalile, wamunehene kuli apostolo, wambulwile kuli ayo ngwe hanamono Mwene mu jila, hanahanjika kuli iye, ni ngwe mu Ndamaseku hanahanjika ni hamu mu jina lia Yesu.

Yilinga 9:28

Iye wapwile hamwe no, nikunjilanjila, nikutuhwoka mu Yerusaleme,

1 Korintu 1:27

Alioze Zambi hanatongola yuma ya uhepuke ya hano hashi, hanga akakolese sonyi akwa mana, Zambi hanatongola yuma yilelu ya hano hashi, hanga akakolese sonyi yuma ya tachi;

1 Korintu 14:25

Yuma ya kuhengama ya mu mbunge yenyi muyisoloka: chocho makafulamana ha meso jenyi, makawayila Zambi, mambulula ngwenyi, Zambi hwali hakachi kenu pundu.

2 Korintu 3:12

Kashika se kutalatala ngwe chino tuli nacho, twakuhanjika ni hamu linji.