Yilinga 3:8 - MUKANDA USANDU WA ZAMBI 1975

⁸ Iye, nikunyangumuka wakatukile, waputukile kwenda, wanjilile hamwe no mu tembele, nikwenda, nikutumbuka, nikuhalisa Zambi.

Mukanda Wa Zambi 1970

⁸ Neye yanyangumuka, yamana, yabutuka kwenda, yanjila hamwe no mu zuwo lia Zambi, nikutumbuka, nikuchichimieka Zambi.

Yilinga 3:8 Iomraidhean Croise

Izaya 35:6

Henaho chilema masamba ngwe kapaji, ni limi lia kamama mulikemba mumu ha uwahililo. Mumu meya mapukukila mu puya, ni yitwetwe mu kango.

Luka 18:43

Haze hene walawile ku meso, wamukawile, nikuchichimieka Zambi; ni atu eswe, muze achimwene, ahanyine uhaliso kuli Zambi.

Luka 6:23

Wahililenu ha tangwa lize, tumbwokenu ni uwahililo; mumu kwononona chenu chinene mwilu, mumu chizechene akako alingile kuli aprofeta.

Yoano 5:14

Kulutwe Yesu yamuwana mu tembele, yamba kuli iye ngwenyi, Tala, hiwapwa mungunu: kanda ukavulumuna nawa, kuchina chuma chipi chahiana muchikuwana.

Yilinga 14:10

Wambile ni liji linene ngwenyi, Katukako, umane kachichi ha molu je: iye wanyangumukine, wendele.

Yilinga 19:16

Yoze mutu, muli iye mwapwile Spiritu mupi, watumbukile hali ayo, waakumbile, eswe aali, waahepwishile, chocho ombokele haze lia zuwo tupaza ni uselesele.

Yilinga 3:7

Mba yamukwata ku kwoko lia chindume, yamukatwisa; ni haze hene, yiliato yenyi ni tusendengele twenyi ajikijile.