Yilinga 3:24 - MUKANDA USANDU WA ZAMBI 1975

²⁴ Chamwenemwene aprofeta eswe, chize kuli Samuel ni waze akuhata kulutwe, waze eswe ahanjikile, ambulwile nawa matangwa ano.

Mukanda Wa Zambi 1970

²⁴ Akwa munanyi eswe waze ahanjikile, chize kuli Samuele ndoo kuli waze asulile ko, ambujolele yuma ya matangwa wano.

Yilinga 3:24 Iomraidhean Croise

Miaso (Masamu) 99:6

Mose ni Arone hakachi ka asasendote jenyi, ni Samuel hakachi ka waze atambikile ha jina lienyi. Atambikile kuli Yehova iye waakumbulwile.

Jeremia 15:1

Mba Yehova yamba kuli yami ngwenyi, Chipwe kachi Mose ni Samuel mamana kumeso jami, hindu mbunge yami kuyichi kuya kuli wano atu. Uakatwise kumeso jami akaye!

Luka 24:27

Iye nikuputuka ku mikanda ya Mose ni ya aprofeta eswe, walumbunwine kuli ayo mu yisoneko yeswe yuma ya kutwala kuli iye mwene.

Yilinga 13:20

Kulutwe lia yino yuma waahele akwa kuyula ndo kuli profeta Samuel.

Yilinga 17:3

Nikulumbununa pundu nikulweza ngwe chatamba Kristu kwivwa lamba, nikuhinduka hakachi ka afu; ngwenyi, Yono Yesu ngunanwambulwilayo, iye mwe Kristu.

Yilinga 26:23

ngwe chize chatamba Kristu kumona lamba, ngwe chize iye hatangu ku Uhindukilo hakachi ka afu, mambujola pangu kuli atu ni mavungu.

Yilinga 3:19

Likonyekenu kashika, nyalumuke, hanga milonga yenu yikajimuke, ni chocho miaka ya kuhuzuluka yikeze ya kumeso ja Mwene;

Yilinga 3:21

chatamba kumutambula mwilu ndo ku miaka ya kululikisa yuma yeswe, ha kutwala ku yize Zambi wahanjikile ku makanwa ja aprofeta jenyi asandu chize ku miakulwila.

A-ROMA 3:21

Alioze haliapwila hanasolola ululi wa Zambi, kuushi shimbi, kanaushindakenya ku shimbi ni aprofeta;

1 Samuel 2:18

Alioze Samuel wavumbikile kumeso ja Yehova, achili mwana, wakulijichikila efode ya hina litoma lipema.

1 Samuel 3:1

Mwe mwana Samuel wavumbikilile Yehova kumeso ja Eli. Chapwile chikalu kwivwa liji lia Yehova ha matangwa aze. Te usolwelo wa pundu kuushiko.

1 Samuel 3:20

A-Izalele eswe chize ku Ndane ndo ku Mbia-shipa yanyingika ngwo, Hanakolesa Samuel akapwe profeta wa Yehova.