Yilinga 3:20 - MUKANDA USANDU WA ZAMBI 1975

²⁰ hanga akatume Yesu Kristu, yoze anutongweleleye Shimbu-kanda;

Mukanda Wa Zambi 1970

²⁰ hanga Zambi akanwehe matangwa ja kuhwima, ni kunutumina Yesu, Chilamwina yoze iye mwene atongwele shimbu kanda.

Yilinga 3:20 Iomraidhean Croise

Mateu 16:27

Mumu mwe Mwana Mutu kumakeza mu uhenya wa Tato hamwe ni angelo jenyi, hohene kumakahana kuli mweswe nikulita ni yilinga yenyi.

Mateu 24:3

Shimbu machitwama ha mulundu wa Olevwe, tumbaji twenyi ejile kuli iye ukawo, nikwamba ngwo, Twambulwile kama, mwiji muka yuma yino muyikapwa? Chilayi cha kuheta che chika, ni cha kumanunuka cha mwaka?

Marku 13:26

Hohene makamona mwe Mwana Mutu kaneza mu malelwa hamwe ni tachi jinene ni uhenya.

Luka 19:11

Alioze shimbu machipanjika ku yino yuma, wawezele kutela chishima, mumu apwile hakamwihi ni Yerusaleme, mumu ashinginyekene ngwo, Wanangana wa Zambi himuusoloka.

Luka 21:27

Hohene kumakamona mwe Mwana Mutu kaneza mu lelwa ni tachi ni uhenya unene.

Yilinga 17:31

Mumu te hanasela tangwa muze makapatwila akwa yifuchi yeswe ya hashi mu ululi kuli yoze lunga hanamuselacho; ha chino hanahana chinyingi kuli atu eswe, se hanamuhindwisa hakachi ka afu.

Yilinga 3:19

Likonyekenu kashika, nyalumuke, hanga milonga yenu yikajimuke, ni chocho miaka ya kuhuzuluka yikeze ya kumeso ja Mwene;

Yilinga 3:21

chatamba kumutambula mwilu ndo ku miaka ya kululikisa yuma yeswe, ha kutwala ku yize Zambi wahanjikile ku makanwa ja aprofeta jenyi asandu chize ku miakulwila.

2 A-TESALONIKA 2:2

kanda nukalihiza nikawashi mu kunyonga chenu, chipwe kanda nukasungalala, chipwe ku Spiritu, chipwe ku liji, chipwe ku mukanda ngwe unakatuka kuli yetu, ngwe tangwa lia Mwene hiliaheta.

2 A-TESALONIKA 2:8

Hohene kumakasolola mwe chihulia, yoze Mwene Yesu makamulukisa ni mwiku wa mu kanwa lienyi; makamwenyeka ni kupanguka cha kuheta chenyi.

Hebreu 9:28

chocho Kristu nawa, se hanamulambula kamuwika hanga akambate milonga ya anji, kumakamoneka chisuho chamuchiali, hi ha kutwala ku shili ko, kuli waze akumutalatala ha ulamwino.

Usolwelo 1:7

Talenu, kumeza ni malelwa; ni meso eswe kumakamumona, ni waze amutuwile; ni mavungu eswe a hashi kumakahia mbimbi hali iye. Chochene. Amene.