Yilinga 3:16 - MUKANDA USANDU WA ZAMBI 1975

¹⁶ Mba ku Ufulielo ku jina lienyi, jina lienyi hiunatakamisa yono nunamumono, nunamunyingika: ngwami, Ufulielo uze kuli iye hiunamwehe mujimba uno ungunu kumeso ja yenu eswe.

Mukanda Wa Zambi 1970

¹⁶ Ndundo ja jina lia Yesu hijahindwisa mutu yono. Nunamumono, nunamunyingika. Habwa ni tachi mumu hafuliela jina lize. Jina lia Yesu hiliamwaha ufulielo, kushika habwa mungunu ngwe chize nunamono yenu eswe.

Yilinga 3:16 Iomraidhean Croise

Mateu 14:29

Aye wambile ngwenyi, Tweya. Petulu wasunukine mu ulungu, wendele ha meya mukuya kuli Yesu.

Mateu 9:22

Alioze Yesu ha kutewuluka, yamumona, wambile ngwenyi, Hamuka, mwanami, Ufulielo we hiwakupwisa mungunu. Mba mwe pwo wapwile mungunu chize ku ola yize.

Yoano 14:12

Pundu, pundu, ngunambe kuli yenu ngwami, Yoze mangufuliela, yitanga yize nakulinga yami, iye nawa kumakayilinga; ni yitanga yinene yahiana yino kumakayilinga; mumu ngunayi kuli Tata.

Yoano 7:23

Kachi mutu matambula ungalami ha tangwa lia Sambata, hanga kechi katangula shimbi ya Mose; nunevu matoto ni yami, mumu napwishile mutu mungunu liakulu ha tangwa lia Sambata, nyi?

Yilinga 14:9

Yono wevwile Paulu kuhanjika: mwenawo wamuhulikilile meso, wamumwene ngwe kali ni Ufulielo amuhindwise.

Yilinga 16:18

Chino wachilingile matangwa anji. Mba Paulu nikwivwa chikulikuli chikolo, yatewulukila, yamba kuli Spiritu ngwenyi, Ngunakwambe mu jina lia Yesu Kristu ngwami, Tuhuka muli iye. Iye watuhukile ola yize yene.

Yilinga 3:6

Petulu wambile ngwenyi, Prata ni oru chishi nayo; alioze chize nguli nacho ngunakwehe: mu jina lia Yesu Kristu Ka-Nazare, katuka, wende.

Yilinga 3:8

Iye, nikunyangumuka wakatukile, waputukile kwenda, wanjilile hamwe no mu tembele, nikwenda, nikutumbuka, nikuhalisa Zambi.

Yilinga 4:10

nyingikenu eswe, ni atu eswe a Izalele, ngwetu, Mu jina lia Yesu Kristu, Ka-Nazare, yoze yenu nwamuhachilile ha kulusu, Zambi amuhindwishile hakachi ka afu, ku tachi jenyi yono kanamana kuno kumeso jenu mungunu.

Yilinga 4:30

shimbu muolola kwoko lie mukuhindwisa; hanga akalinge yilayi ni yipekesa ku jina lia Kavumbi ke musandu Yesu.

Yilinga 4:7

Muze te haatumbika mukachi, aahulile ngwo, Ni tachi jika? Hanji mu jina lika, nunakalinga chino?

A-ROMA 3:22

te ululi wa Zambi ku Ufulielo muli Yesu Kristu, kuli eswe, ni hali waze eswe akufuliela; mumu kulipwila chakuhi nichimwe.

1 Korintu 13:2

Chipwe mungupwa nikuprofeteza, chipwe mungunyingika yijimbikilo yeswe, ni yinyingi yeswe; chipwe mungupwa ni Ufulielo weswe, chocho munguhasa kututulula milundu, alioze kachi chishi zango, ngunapu wamokomoko.

Shimbi 32:4

Iye Liwe. Yitanga yenyi yingunu, mumu majila jenyi eswe ja ululi. Iye Zambi ya jika; keshi uhenge; mukwa pundu, mukwa umwenemwene.