Yilinga 28:8 - MUKANDA USANDU WA ZAMBI 1975

⁸ Tato ya Pupiliu te kanapombo ni kachiki nikulokoka mu jimo: kuli iye Paulu wanjilile, walembele, nikusayika moko jenyi hali iye, wamuhindwishile.

Mukanda Wa Zambi 1970

⁸ Tato ya Publiu te kanayiji yikola ya kachiki, ni kulokoka mu jimo. Paulu yanjila mu zuwo lienyi, yamulembela ni kumusa moko. Neye yahinduka.

Yilinga 28:8 Iomraidhean Croise

Mateu 10:1

Watambikile kuli iye tumbaji twenyi kumi ni aali, waahele chiyulo helu lia maspiritu a luchisa, hanga akaatuhwise, ni hanga akawuke misongo yeswe ni weji weswe.

Mateu 10:8

Wukenu mieji, hindwisenu afu, pemesenu akwa mbumba, tuhwisenu andemoniu; hinunatambula wana, hanenu wana.

Mateu 12:13

Hohene yamba kuli mutu ngwenyi, Olola kwoko lie. Mba waliolwele; nelio liahindukile lingunu ngwe likwo.

Mateu 9:18

Shimbu machihanjika yino yuma kuli ayo, mukwa kuyula wejile, wamuwayilile, ngwenyi, Mwanami wa pwo haliapwila lume hafwa, alioze tweya kama, ukasayike kwoko lie hali iye, mba kumapwa ni mwono.

Marku 16:18

O kumakanda tupela, nyi kachi manwa chuma chimwe cha kufwa, kuchichi kaalemeka nichimwe; kumakasayika moko jo hali mieji, o kumakahinduka.

Marku 5:23

Yaliumba kuli iye chikolo ngwenyi, Mwanami mukepe wa pwo kanahuzu: tweya kama, usayike moko je hali iye, hanga akapwe mungunu, akatwame ni mwono.

Marku 6:5

Iye kahashile kulingaho chipupu nichimwe, shina wasayikile moko jenyi hali mieji akehe akaawuke.

Marku 7:32

O yaneha kuli iye, kafwa-matwi, iye chilimi cha kuhanjika wapwile nacho, o yaliumba kuli iye, hanga asayike kwoko lienyi hali iye.

Luka 13:13

Iye wasayikile moko jenyi hali iye: haze hene wolokele, wachichimiekene Zambi.

Luka 4:40

Muze tangwa mulichinjila, waze eswe apwile ni mieji a kuyiza ni misongo yeka ni yeka, aanehene kuli iye; neye wasayikile moko jenyi hali eswe, waawukile.

Yilinga 28:7

Achi, mu chifuchi cha kusulangana, kwapwile chijima cha mukwa lutwe wa mu tungu, jina lienyi Pupiliu; watusambililile, watuzuinbwile matangwa atatu, ni kulikata chipema.

Yilinga 28:9

Alioze muze alingile chino, akwo nawa waze apwile ni misongo mu tungu yeza, yaawuka.

Yilinga 9:40

Alioze Petulu Watuhwishile eswe, waliumbile makungunwa jenyi, walembele; iye, nikutewulukila ku mujimba, wambile ngwenyi, Tavwita, hinduka. Iye walawile meso, ni muze amwene Petulu Watwamine.

1 Korintu 12:28

Zambi hanase amwe mu chikungulwila, chitangu apostolo, chamuchiali aprofeta, chamuchitatu alongeshi, kulutwe lia wano tachi ja yipupu, mba kulutwe yawana ya vumbi ya kuhindwisa, kukwasa, kutondekeza, malimi eka ni eka.

1 Korintu 12:9

kuli mukwo, Ufulielo, muli Spiritu umuwika; kuli mukwo, yawana ya vumbi ya kuhindwisa, muli Spiritu umuwika: