Yilinga 28:26 - MUKANDA USANDU WA ZAMBI 1975

²⁶ Yako kuli atu ano, ukambe ngwe, Kwivwa kumunukevwa, alioze kunuchi kanyingika nichimwe; mba kutala, kumunukatala, alioze kunuchi kamona;

Mukanda Wa Zambi 1970

²⁶ ngwenyi: ‘Yako kuli atu wano nikwamba ngwe: Munukatala kubanjika, alioze kunuchi kevwa, munukatala kutala, alioze kunuchi kumona.

Yilinga 28:26 Iomraidhean Croise

Izaya 29:10

Mumu Yehova hanazukula hali yenu Spiritu ya kuya tulo anji. Hanajiki meso jenu, ngwami, aprofeta, hanafuku mitwe yenu, ngwami, akwa kumona.

Izaya 29:14

kashika cheka nawa mungulinga yikomokeso ni vungu lino; te yikomokeso ni yipupu. Mana ja akwa mana jo kumakakuwa, ni malinjekela ja akwa malinjekela kumakafukiwa.

Izaya 66:4

Yami nawa mungwatongwela luyinda; mungukoka hali ayo yize akuyivwila woma. Mumu ha kusanyika chami, niumwe kakumbulwile; ha kuhanjika chami, niumwe kapanjikile. Alioze alingile chipi kumeso jami; atongwele yize yami Chawahililile nayo.

Jeremia 5:21

Ivwenu chino enu vungu lia yelo ni yizuzuke, nuli ni meso alioze kunwamwene, nuli ni matwi alioze kunwevwile.

Ezekiel 12:2

Mwana mutu, kuwatwama hakachi ka munyachi wa yihulia. Kali ni meso a kumona no, alioze kamwene. Kali ni matwi a kwivwa no, alioze kevwile, mumu kapwa munyachi wa yihulia.

Marku 4:12

hanga ha kutala, akatale, alioze kechi kamona; mba ha kwivwa akevwe, alioze kechi kanyingika; kuchina hanji malumuka, maakonekenacho.

Luka 24:25

Iye wambile kuli ayo ngwenyi, Yenu yelo, ni akwa makoke ku mbunge kufuliela yuma yize yeswe aprofeta ahanjikile.

Luka 24:45

Hohene walawishile kunyonga cho, hanga anyingike ye yisoneko;

Luka 8:10

Iye wambile ngwenyi, Hananwehecho kunyingika yijimbikilo ya wanangana wa Zambi, alioze kuli akwo yinapu ni yishima; hanga nikutala, kechi kamona, nikwivwa, kechi kanyingika.

Yilinga 28:25

Muze kalitayile hakachi ko, akatukile; muze te Paulu hahanjika liji limuwika ngwenyi, Kanawa wahanjikile Spiritu Musandu kuli tulamba twenu ku kanwa iia profeta Izaia ngwenyi,

Shimbi 29:4

Alioze Yehova kanuhele mbunge ya kunyingika, ni meso a kumona, ni matwi a kwivwa, ndo ku tangwa lino.