Yilinga 28:23 - MUKANDA USANDU WA ZAMBI 1975

²³ Mba se amuselele tangwa, anji ejile kuli iye ku zuwo lia kuzeka ngeji; kuli ayo washindunwine nikushindakenya ha wanangana wa Zambi, nikwakununa ha kutwala kuli Yesu, ku shimbi ya Mose, ni ku mikanda ya aprofeta, chize ku chimene ndo ku chingoloshi.

Mukanda Wa Zambi 1970

²³ No yaatongola tangwa lia kuhanjika ni Paulu. Mba mbunga yinene yeezaza ni kumunangisa ku zuwo lize te atwama. Chize ku chichamene ndoo ku chingoloshi Paulu yaalumbunwina nikushindakenya hakutwala ku Wanangana wa Zambi, yeeseka kwakununa ha chikuma cha Yesu. E maliji waze alongesele te a mu mukanda wa Shimbi ja Mose ni mu mikanda ya akwa munanyi a Zambi.

Yilinga 28:23 Iomraidhean Croise

Marku 4:34

kahanjikile kuli ayo shina ni chishima; alioze walumbunwine yuma yeswe kuli tumbaji twenyi ukawo.

Luka 16:28

Mumu ana-akwetu atano nguli no; hanga akashindakenye chikolo kuli ayo, kuchina meza kuma kuno kwa kupinda.

Luka 24:44

Iye wambile kuli ayo ngwenyi, Wano e maliji aze nahanjikile kuli yenu shimbu napwile hamwe ni yenu, ngwami, Chatamba yuma yeswe kumanunuka yize yinasonewa mu shimbi ya Mose ni mu mikanda ya aprofeta ni ya masamu, ya kutwala kuli yami.

Yoano 4:34

Yesu yamba kuli ayo ngwenyi, Kulia chami ngukalinge upale wa yoze wangutumine, hanga ngukamanunune milimo yenyi.

Yilinga 1:3

kuli ayo nawa, walisolwele ni mwono ni yinyingi yinji, kulutwe lia lamba lienyi, nikumoneka kuli ayo makumi awana a matangwa, nikuhanjika yuma ya kutwala ku wanangana wa Zambi.

Yilinga 18:28

Mumu wakumikine chikolo A-Yunda, ni chize kumeso ja atu eswe, nikulweza ku Yisoneko Yesu iye mwe Kristu.

Yilinga 18:4

Iye wahanjikile kuli atu mu sunangonga ha masambata eswe, wakunwine A-Yunda ni A-Ngresia.

Yilinga 19:8

Iye wanjilile mu sunangonga, wahanjikile ni hamu ha shimbu lia tukweji atatu, nikuhanjika kuli ayo, nikwakununa ha kutwala ku wanangana wa Zambi.

Yilinga 23:11

Alioze ufuku uze, Mwene wamanyine hehi nenyi, wambile ngwenyi, Hamuka chikolo, Paulu; mumu chizechene ngwe hiunashindakenya ha kutwala kuli yami ku Yerusaleme, chocho Chakutamba kushindakenya ku Roma nawa.

Yilinga 24:14

Alioze chino ngunatayiza kuli yena, ngwami, Nikulita ni Jila yize o anavuluka ngwo, Kuhandununa, chocho nakulingila Zambi ya tulamba twetu, nikufuliela yuma yize yeswe ya kulita ni shimbi, ni yize yinasonewa mu mikanda ya aprofeta;

Yilinga 26:6

Haliapwila ngunamana angupatwile mumu ha kutalatala cha chilakenyo chize alakenyene Zambi kuli tulamba twetu;

Yilinga 28:31

Ambujolele wanangana wa Zambi, nikulongesa yuma ya kutwala kuli Mwene Yesu Kristu ni hamu lieswe, kukwapwile chikwiko nichimwe.

Yilinga 8:35

Fwilipe Wapakwile kanwa lienyi, iye, nikuputuka ku chisoneko chino, wamwambulwilile sango lipema lia Yesu.

Filemu 1:2

ni kuli pangietu Apia, ni Arkipu, swalale-ni-mukwetu, ni ku chikungulwila chize chili mu zuwo lie:

Filemu 1:22

Chikwo nawa ukangululikile zuwo, mumu ngunatalatala akanguhane kuli yenu mumu ha yilemba yenu.