Yilinga 28:22 - MUKANDA USANDU WA ZAMBI 1975

²² Alioze tunachinyongo chipema kwivwa kuli yena chize unashinginyeka; mumu ha mbunga yino tunanyingika kweswe kakuhanjika yuma ya kulimika no.

Mukanda Wa Zambi 1970

²² Alioze tunazange kwivwa manyonga je chize Unanyongo, mumu tunanyingika ngwetu, kuma kweswe atu kaakulimika ni mbunga yize yena uli.”

Yilinga 28:22 Iomraidhean Croise

Izaya 42:20

Yuma yinji anamono alioze kayipalile; matwi jenyi awashi alioze kapanjikile.

Luka 2:34

Semone waawahishile, wambile kuli naye Maria ngwenyi, Yono hanamusela ha kulimbuka ni ha kukatuka cha anji mu Izalele; akapwe chilayi chize anachihamikina.

Yilinga 15:5

Alioze kwakatukile amwe a ku mbunga ya A-Fwariseu, waze afulielele, ngwo, Chatamba kwapwisa ngalami, ni kwaamba akafunge shimbi ya Mose.

Yilinga 24:14

Alioze chino ngunatayiza kuli yena, ngwami, Nikulita ni Jila yize o anavuluka ngwo, Kuhandununa, chocho nakulingila Zambi ya tulamba twetu, nikufuliela yuma yize yeswe ya kulita ni shimbi, ni yize yinasonewa mu mikanda ya aprofeta;

Yilinga 26:5

o angunyingikine kunyima chize ku uputukilo wawo, kachi matá kushindakenya, ngwe nikulita ni mbunga ya kuzeyela chikolo ku uwayilo wetu, napwile Ka-Fwariseu.

Yilinga 5:17

Alioze sasendote mukwa lutwe wakatukile, ni waze eswe apwile hamwe nenyi, (te mbunga ya A-Satuseu), te kanazala tò ni ukwa.

A-ROMA 1:8

Hatangu, ngunasakwila kuli Zambi yami mu jina lia Yesu Kristu hali yenu eswe, mumu Ufulielo wenu kakuwambujola hano hashi heswe.

1 Korintu 11:19

Mumu chatamba kupwa kulihandununa nawa hakachi kenu, hanga waze maasela Shindakenyo yipema akasoloke hakachi kenu.

1 Petulu 2:12

Pwenu ni kwenda chenu ngwe chinate hakachi ka akwa mavungu: hanga chipwe manuhanjika ngwe akwa kulinga yipi, ku yitanga yenu yipema yize akumona, akachichimieke Zambi ha tangwa lia kukala ni lia kwononona.

1 Petulu 3:16

Pwenu ni mbunge yipema: hanga ha chize manwamba chipi ngwe akwa kulinga yipi, akevwe sonyi, waze akusaula kwenda chenu chipema muli Kristu.