Yilinga 28:15 - MUKANDA USANDU WA ZAMBI 1975

¹⁵ Kuze mandumbu muze atuvwile, ejile nikutupatwiza ndo ku yitanda ya Apiu ni ku mazuwo atatu a kuzeka ngeji; muze Paulu aamwene waze, wasakwilile Zambi, wajikijile.

Mukanda Wa Zambi 1970

¹⁵ Akwetu akwa Kristu a ku Roma yeevwa sango jetu, mba yeeza ndoo ku Chitanda cha Apiu ni ku limbo lia Mazuwo Atatu a Ngeji ni kutubatwiza. Muze Paulu haamona, yaasakwila Zambi, yalikoleza mu mbunge.

Yilinga 28:15 Iomraidhean Croise

Miaso (Masamu) 27:14

Twaminyina Yehova! Takama, mbunge ye yikajikize. Ewa, twaminyina Yehova. Samu lia David.

Kutuhuka 4:14

Utenu wa Yehova yiukasumuka hali Mose, yamba ngwenyi, Yayenu Arone Ka-Levi keshiko nyi? Ngunanyingika ngwami, Iye kananyingika kuhanjika ni kushilinginya. Chikwo nawa ngwenyi, Tala, kaneza mukutakana ni yena. Muze makumona, mevwa chiseke mu mbunge yenyi.

Yoano 12:13

anjile mitango ya mingaji, atuhukile mukumupatwiza, nikukololoka ngwo, Vulie! Kafumana yoze meza mu jina lia Mwene! mwe Mwanangana wa Izalele!

Yilinga 1:15

Ha matangwa aze, Petulu wamanyine mukachi ka mandumbu, (achi, mbunga ya atu a kukunguluka hamuwika apwile ngwe kulakaji ni makumi aali), wambile ngwenyi,

Yilinga 10:23

Kashika waanjishile mu zuwo, waazekele. Mba muze hikwacha Petulu wakatukile akaye hamwe no, ni amwe a kuli mandumbu ku Yopa ayile hamwe nenyi.

Yilinga 10:25

Muze Petulu anjilile mu zuwo, Koneliu wamupatwijile, wafulamanyine ku molu jenyi, wamuwayilile.

Yilinga 11:1

Achi, apostolo ni mandumbu waze apwile mu Yundeya evwile ngwo, Akwa mavungu nawa hatambula Liji lia Zambi.

Yilinga 11:12

Spiritu wangwambile nguye hamwe no, nikuyambashana nichimwe. Wano mandumbu asambano nawa avile hamwe ni yami, twanjilile mu zuwo lia yono lunga.

Yilinga 12:17

Iye, nikulahula kuli ayo ni kwoko lienyi ahole, wambile kuli ayo ngwe Mwene wamunehene haze lia zuwo lia ususu. Wambile ngwenyi, Ambulula yino yuma kuli Tiangu ni kuli mandumbu. Iye wakatukile, wayile kweka.

Yilinga 21:5

Alioze muze te hitwatwama matangwa, twakatukile, twayile mu wenyi wetu; o eswe ni akwo-mapwo ni ana, atushinjikilile ndo haze lia limbo, mba nikuliumba makungunwa ha ngenge ya kalunga twalembele, twalishikile umwe ni mukwo ni mukwo;

Yilinga 28:14

kuze se twawanyine mandumbu, aze aliumbile kuli yetu tutwame hamwe no matangwa shimbiali: chocho twahetele ku Roma.

A-ROMA 15:24

heswaho munguyila mu wenyi wami ku Hesepanya (mumu ngunatatatata kunumona ha hupalika mu wenyi wami, hanga nukangushinjikile mu jita yami, kachi hatangu nguliwahise hakehe hamwe ni yenu).

2 Korintu 2:14

Alioze tusakwilenu kuli Zambi, yoze wakututwala funge mu kukumba cha Kristu, wakusolola ku mwono wetu vumba lia chinyingi cha iye muma mweswe.

Galashia 4:14

chize chapwile chuma chikalu kuli yenu mu musunya wami kunwachilelesele, chipwe kunwalitunyinecho; alioze nwangutambwile ngwe mungelo wa Zambi, ngwe Kristu Yesu.

1 Tesalonika 3:7

Ha chikuma chino, mandumbu, hanatulembejeka hali yenu mu huli lietu lieswe ni luyinda ku Ufulielo wenu:

Hebreu 13:3

Iwulukenu funge ngwe nunakashiwa hamwe no; waze kanaalingi chipi, ngwe nuli yenwene nawa mu mujimba.

Yoshua 1:9

Te chakutumine nyi? Takama; hamuka; kanda wivwa woma hanji mwongo, mumu Yehova Zambi ye hwali hamwe ni yena kweswako muoya.

1 Samuel 30:6

David walifwichile chikolo mu mbunge mumu e atu ambile kumwasa mawe, se atu eswe evwile kupiha mu mbunge mumu hali ana jo a malunga ni a mapwo. Alioze David walitakamishine muli Yehova Zambi yenyi.