Yilinga 28:14 - MUKANDA USANDU WA ZAMBI 1975

¹⁴ kuze se twawanyine mandumbu, aze aliumbile kuli yetu tutwame hamwe no matangwa shimbiali: chocho twahetele ku Roma.

Mukanda Wa Zambi 1970

¹⁴ Kwenako twawanyine akwetu akwa Kristu. Yaatulembela ha kutwama no matangwa shimbiali. Mba yituheta ku limbo lia Roma.

Yilinga 28:14 Iomraidhean Croise

Ubutukilo 7:4

Mumu kwasala matangwa shimbiali mba mungunokesa vula hashi, makumi awana a matangwa ni makumi awana a ufuku. Yuma yeswe ya mwono natangile mungujimuna ha kuzazuluka cha mavu.

Miaso (Masamu) 119:63

Nguli sepa lia waze eswe akukuvwila woma, ni lia waze akufunga ndongo je.

Mateu 10:11

Mu limbo lieswaho, hanji chihunda mununjila, nukahule hali yoze unatelamo; muze mwene nukatwame ndo munutuhuka.

Yoano 21:23

Liji lino kashika liafumanyine hakachi ka mandumbu ngwo, Kambaji yoze kechi kafwa: hindu Yesu kambile kuli iye ngwenyi, Kechi kafwa; alioze ngwenyi, Kachi ngunapale akatwame ni mwono ndo mungwiza, kuchi chapwa kuli yena?

Yilinga 1:15

Ha matangwa aze, Petulu wamanyine mukachi ka mandumbu, (achi, mbunga ya atu a kukunguluka hamuwika apwile ngwe kulakaji ni makumi aali), wambile ngwenyi,

Yilinga 19:1

Shimbu Apolu te achili ku Korindu, Paulu se hanapalika ndusu mu yifuchi yeswe ya ku tunda, wahetele ku Efwesu, wawanyine amwe tumbaji:

Yilinga 20:6

Alioze yetu twendele mu ulungu ku Fwilipu kulutwe lia matangwa a mbolo kuyishi futunwiso. Kulutwe lia matangwa atano twahetele kuli ayo ku Troa; twatwamineko matangwa shimbiali.

Yilinga 21:4

Ni se twawanyine tumbaji, twasalileko matangwa shimbiali: waze ambile kuli Paulu ku tachi ja Spiritu ngwo, Kanda ukakanduka ku Yerusaleme.

Yilinga 28:13

Twakatukile kuze nikujinga, twahetele ku Rejiu: ni kulutwe lia tangwa limuwika, fuji yalumukine ku Sule, ni ha tangwa liamuchiali twahetele ku Puteolu;

Yilinga 28:15

Kuze mandumbu muze atuvwile, ejile nikutupatwiza ndo ku yitanda ya Apiu ni ku mazuwo atatu a kuzeka ngeji; muze Paulu aamwene waze, wasakwilile Zambi, wajikijile.

Yilinga 28:21

O ambile kuli iye ngwo, Hali yetu, kutwatambwile mikanda ya ku Yundeya ha kutwala kuli yena, chipwe niumwe wa kuli mandumbu waze ahetele, kambulwile ungulungulu niumwe hali yena, hanji kuchivuluka.

Yilinga 6:3

Kashika mandumbu, fupenu hakachi kenu malunga shimbiali, akwa Shindakenyo, a tò ni Spiritu Musandu ni mana, aze mutwasela ku milimo yino.

Yilinga 9:30

Muze mandumbu achiselele chinyingi, amutwalile ku Sesarea, amutumine ku Tarsu.

A-ROMA 1:13

Mumu ngunazange nunyingike, mandumbu, ngwe kanji nahalile kuheta kuli yenu, hanga ngukapwe ni mihuko yimwe hakachi kenu nawa, chizechene ngwe hakachi ka akwa mavungu akwo (alioze angukwikile ndo haliapwila).