Yilinga 27:5 - MUKANDA USANDU WA ZAMBI 1975

⁵ Muze te hitwenda ndusu kalunga-lwiji wa ku mbaka ja Selishia ni Pamafwilia, twahetele ku Mira, limbo lia mu Leshia.

Mukanda Wa Zambi 1970

⁵ Muze hitwazauka kalunga lwiji hakamwihi ni yifuchi ya Silisia ni Pamfilia, yituheta ku Mira, limbo lia mu chifuchi cha Lisia.

Yilinga 27:5 Iomraidhean Croise

Yilinga 13:13

Achi, Paulu ni waze endele nenyi akatukile ku Pafwo, nikwenda mu ulungu ahetele ku Pereje, limbo lia mu Pamafwilia, ni Yoano waahichikile, wahilukile ku Yerusaleme,

Yilinga 15:23

o asonekene mukanda wa kutuma ku moko jo ngwo, Apostolo ni makulwana ni mandumbu, kuli mandumbu waze ali hakachi ka akwa mavungu ku Andiakia, ni Seria, ni Selishia, ngwetu, Muoyowenu.

Yilinga 15:38

Alioze Paulu kachinyongene chipema akaye hamwe no, yoze waehukile, nikuhiluka ku Pamafwila, kayile no ku milimo.

Yilinga 15:41

Iye wapalikile ndusu mu Seria ni Selishia, nikutakamisa yikungulwila.

Yilinga 2:10

Ni Fwikia, ni Pamafwilia, ni Engitu, ni yihanda ya ku Pute, yize yakusulangana ni Sevwene, ni njize a ku Roma, ni A-Yunda, ni akwa kutayiza a ku mavungu,

Yilinga 21:39

Alioze Paulu wambile ngwenyi, Yami nguli Ka-Yunda wa ku Tarsu, mwenya limbo lilemu lia mu Selishia; ngunaliumbu kuli yena, ngutayize kama nguhanjike kuli atu.

Yilinga 22:3

iye yamba ngwenyi, Yami nguli Ka-Yunda, nasemukine mu Tarsu, limbo lia mu Selishia, alioze nafumbiwile mu limbo lino ku yiliato ya Ngamaliele, nalongolokele nikulita ni cheseko cha pundu cha shimbi ya tulamba twetu, nikusela mbunge yami yeswe hali Zambi, ngwe yenu eswe nwakulinga tangwa lino.

Yilinga 6:9

Alioze kwakatukile amwe akwa sunangonga yize ya Libertino, ni amwe a kuli A-Serene, ni a kuli A-Alezandre, ni a kuli akwa Selishia, ni a ku Eshia, mukuhangulula ni Eshetevau.

Galashia 1:21

Kulutwe lia chino, nayile ku yifuchi ya kujingilika Seria ni Selishia.