Yilinga 27:24 - MUKANDA USANDU WA ZAMBI 1975

²⁴ ngwenyi, Paulu, kanda wivwa woma; Chakutamba kumana kumeso ja Sesare, ni chikwo nawa, Zambi hanakwehe waze eswe akwenda mu ulungu hamwe ni yena.

Mukanda Wa Zambi 1970

²⁴ Ngwenyi: ‘Paulu, kanda wivwa woma! Chakutamba kumana ku meso ja mwanangana wa Aroma. Ni chikwo nawa, Zambi, ku utu wenyi, hakwaha mwono wa eswe waze unazauka no.’

Yilinga 27:24 Iomraidhean Croise

Ubutukilo 12:2

Mba ku-mungukakupwisa vungu linene. Mungukuwahisa, mungufumanyisa jina lie, kumuopwa mukwa kuwahisa.

Ubutukilo 15:1

Kulutwe lia yino yuma liji lia Yehova yiliza kuli Apalama mu usolwelo ngwo, Apalama, kanda wivwa woma, yami nguli lukepwe we, kanda nguli kwononona che chahiana.

Ubutukilo 19:29

Chocho chapwile muze Zambi yonwona membo a ha chana Zambi yewuluka Apalahama, yakatwisa Lote hakachi ka kwonwona shimbu onwene membo muze mwatwamine Lote.

Ubutukilo 30:27

Lapane yamba ngwenyi, Nyi hinawana vumbi ku meso je, twama. Mumu hinamona ngwami, Yehova kakunguwahisa ha mukunda wa yena.

Ubutukilo 39:23

Mwe kalayi ka zuwo lia ususu katalile ku yuma yapwile mu kwoko lia José mumu Yehova wapwile nenyi. Cheswacho alingile, Yehova wachiwahishile.

Ubutukilo 39:5

Kumanyi chize ku tangwa lize amupwishile kaselo nikumukunjika upite wenyi weswe Yehova wawahishile zuwo lia Ka-Engitu mumu ha mukunda wa José. Yehova wawahishile upite wenyi weswe ni mu zuwo ni yambu.

Ubutukilo 46:3

Mba Zambi yamba ngwenyi, Yami nguli Zambi, mwe Zambi ya tatenu. Kanda wivwa woma wa kuya ku Engitu mumu mungukupwisako vungu linene.

1 Yitanga Ya Mianangana 17:13

Eliya yamba kuli iye ngwenyi, Kanda wivwa woma, yako ulinge chocho, alioze Uliange kungulingila kambolo unguneheneko mba kulutwe mulingila mwané ni yena.

1 MIANANGANA 6:16

Aye yamba ngwenyi, Kanda wivwa woma, mumu waze tuli no anji, o akepe ali no.

Jobe 35:8

Ungulungulu we watwala kuli mutu ni mukwenu, ni ululi we unatwala kuli umwe mwana mutu.

Lungungu 3:57

Wakundamine muze nakutambikile; wambile ngwe, Kanda wivwa woma!

Daniel 2:24

Kashika Daniel yaya kuli Arioke yoze mwanangana hasela kwonwona akwa mana a mu Babilonia. Yaya, yamba kuli iye ngwenyi, Kanda onwona akwa mana a Babilonia. Ngutwale kuli mwanangana, mba mungumulweza ulumbunwiso.

Mika 5:7

Henaho masalila ja Yakomba makapwa hakachi ka mavungu anji ngwe mume wa kuli Yehova; ngwe vula ha mwambu yoze kazeyele kuli atu chipwe kutwaminyina atu.

Mateu 10:18

No kumakanuneha kumeso ja manguvulu ni mianangana mumu hali yami, hanga nukapwe Shindakenyo kuli ayo, ni kuli akwa mavungu.

Mateu 10:28

Kanda nukavwila woma waze akushiha mujimba, hindu kahashile kushiha alma: alioze Shinaho muvwilenu woma yoze mahasa kwonwona ni alma ni mujimba mu Ngehena.

Yoano 11:9

Yesu wakumbulwile ngwenyi, Mwalwa kuushi ni kumi lia ola ni ola jiali, nyi? Kachi umwe menda ha mwalwa keshi kuhukana, mumu mamona pangu lia hashi.

Yilinga 19:21

Muze yino yuma yamanunukine, Paulu wahalile mu Spiritu kuya ku Yerusaleme, muze hapalika ndusu mu Masendoniya ni mu Akeya, ngwenyi, Kulutwe lia chize changutamba kumona Roma nawa.

Yilinga 23:11

Alioze ufuku uze, Mwene wamanyine hehi nenyi, wambile ngwenyi, Hamuka chikolo, Paulu; mumu chizechene ngwe hiunashindakenya ha kutwala kuli yami ku Yerusaleme, chocho Chakutamba kushindakenya ku Roma nawa.

Yilinga 25:11

Kachi ngunakalinga chipi chimwe, kachi ngunakavulumuna chuma chimwe cha kutela kufwa, kachi chichi kuchina kufwa; alioze kachi kuchishiko nichimwe cha ku yuma yize anangusumu, niumwe mahasa kungwecha kuli ayo; ngunalikunjika kuli Sesare.

Yilinga 27:31

Paulu wambile kuli kapitau ni maswalale ngwenyi, nyi wano kasalile mu ulungu, yenu kunwahashile kulilamwina.

Yilinga 27:37

Yetu eswe, twapwile mu ulungu kulakaji aali, ni makumi shimbiali, ni atu asambano.

Yilinga 27:42

Maswalale ambile ngwo, Tushihenu funge, kuchina umwe masányika haze akomboke.

Yilinga 27:44

ni akwo, amwe ha yipamba, ni akwo ha yuma yimwe ya ku ulungu. O chocho ewse ahetele kawape hashi.

Yilinga 9:15

Alioze Mwene wambile kuli iye ngwenyi, Yako, mumu iye chikwachilo cha kutongola kuli yami, mukutwala jina liami kumeso ja akwa mavungu, ni mianangana, ni ana a Izalele:

Filemu 1:22

Chikwo nawa ukangululikile zuwo, mumu ngunatalatala akanguhane kuli yenu mumu ha yilemba yenu.

Tiangu (Jake) 5:16

Kashika shikisenu milonga yenu umwe kuli mukwo ni mukwo, lilembelenu umwe mukwo ni mukwo, hanga nukahinduke. Kuliumba cha mukwa ululi kuchakutakama chikolo ha kulinga chacho.

Usolwelo 1:17

Muze namumwene, nafulamanyine ku yiliato yenyi ngwe mufu; iye Wasayikile kwoko lienyi lia chindume hali yami, ngwenyi, Kanda wivwa woma, yami nguli mwe mutangu ni mwe kasula-songo;