Yilinga 27:22 - MUKANDA USANDU WA ZAMBI 1975

²² Haliapwila ngunanushinjila nuwahilile; mumu kukuchi kapwa kutokesa nichimwe cha mwono hakachi kenu, alioze cha ulungu wika.

Mukanda Wa Zambi 1970

²² Alioze haliabwila ngunanushinjila ngwami, kolesenu mbunge jenu, mumu niumwe mukachi kenu matokesa mwono wenyi, shina ulungu wika muutoka.

Yilinga 27:22 Iomraidhean Croise

Ezra 10:2

Mba Shekania mwana Jehiele umwe wa ana ja Elame a malunga yakumbulula, yamba kuli Ezera ngwenyi, Hitwavulumuna Zambi yetu ha kumbata mapwo yilambala a ku mavungu a chifuchi, hindu kutalatala kuchili ha chuma chino.

Jobe 2:4

Satana yakumbulula Yehova ngwenyi, E, chikowa ha chikowa. Mutu mecha yeswe ali nayo ha kulamwina mwono wenyi.

Miaso (Masamu) 112:7

Kechi kevwa woma wa lusango mupi. Mbunge yenyi yinajikiza nikufuliela Yehova.

Yilinga 23:11

Alioze ufuku uze, Mwene wamanyine hehi nenyi, wambile ngwenyi, Hamuka chikolo, Paulu; mumu chizechene ngwe hiunashindakenya ha kutwala kuli yami ku Yerusaleme, chocho Chakutamba kushindakenya ku Roma nawa.

Yilinga 27:25

Kashika Wahililenu, malunga, mumu ngunafuliela Zambi kumuchikapwa chizechene ngwe hanambe kuli yami.

Yilinga 27:31

Paulu wambile kuli kapitau ni maswalale ngwenyi, nyi wano kasalile mu ulungu, yenu kunwahashile kulilamwina.

Yilinga 27:34

Kashika ngunaliumbu kuli yenu, nulie: hanga nukahinduke: mumu lukambu niumwe kechi katoka ku mutwe wa niumwe wa yenu.

Yilinga 27:36

Hohene o eswe ajikijile, alile.

Yilinga 27:44

ni akwo, amwe ha yipamba, ni akwo ha yuma yimwe ya ku ulungu. O chocho ewse ahetele kawape hashi.

1 Samuel 30:6

David walifwichile chikolo mu mbunge mumu e atu ambile kumwasa mawe, se atu eswe evwile kupiha mu mbunge mumu hali ana jo a malunga ni a mapwo. Alioze David walitakamishine muli Yehova Zambi yenyi.