Yilinga 27:20 - MUKANDA USANDU WA ZAMBI 1975

²⁰ Chipwe tangwa chipwe matongonoshi kasolokele ha matangwa anji, kangonga munene wapwile hali yetu, ha kusula kutalatala cheswe cha ulamwino chatutokele.

Mukanda Wa Zambi 1970

²⁰ Matangwa anji kutwamwene ko tangwa chibwe matongonoshi. Kakundukundu yabwa munene. Te hitwachiza kulu mbunge ya kulilamwina.

Yilinga 27:20 Iomraidhean Croise

Miaso (Masamu) 105:28

Watumine milima nikulayisako, o kakolemeneko maliji jenyi.

Izaya 57:10

Wevwile yikatalo mumu ha kusuha cha jila ye, hindu kwambile ngwe, Chize mungutalatala chakuhi. Wawanyine mwono waha wa kulitakamisa nawo, chocho kwalezumukine.

Jeremia 2:25

Funga molu je kandaya keshi haku, funga muliwu we ku pwila. Alioze wambile ngwe, Hijakangana kulu, mumu hinazanga yilambala mba mungwakaula.

Ezekiel 37:11

Mba iye yamba kuli yami ngwenyi, Mwana mutu, yifwaha yino we munyachi weswe wa Izalele. O kakwamba ngwo, Yifwaha yetu hiyoma; kutalatala chetu hichatoka; hanatutetaho ngwi.

Yona 1:4

Alioze Yehova yatuma fuji yimwe yinene ha kalunga-lwiji; kwapwile kangonga munene ha kalunga-lwiji, kashika wato wambile kumakuka.

Mateu 24:29

Alioze haze hene kulutwe lia luyinda wa matangwa aze, tangwa mulikalá, ni kakweji kechi katwa mieji, ni matongonoshi kumakaholoka mwilu, ni tachi ja malilu kumujikanyika.

Yilinga 27:19

Ha tangwa liamuchitatu ni moko jo ene ambilile yuma ya kwendesa ulungu.

Yilinga 27:21

Muze te hanapu shimbu linene ni zala, hohene Paulu wamanyine mukachi ko, ngwenyi, Yenu malunga, kachi nwangwononokenene, kachi kunwakatukile ku Kreta, ni luyinda yono ni kufulwa chino.

2 Korintu 11:25

Katatu angulambile ni shikote; kamuwika angwashile mawe; katatu nalilamwinyine muze wato te muushimbama; ufuku ni mwalwa napwile mu kalunga-lwiji.

Efesu 2:12

Ha miaka yize nwapwile kunushi ni Kristu, tundaka ku vungu lia Izalele, ni yilambala ku usendo wa chilakenyo, ni kutalatala nichimwe, nwapwile kunushi ni Zambi hano hashi.

1 Tesalonika 4:13

Alioze kutwazangile nukalajale, mandumbu, ha kutwala kuli waze hanayi tulo; kunuchi kevwa chinyengo ngwe akwo waze keshi kutalatala.