Yilinga 27:1 - MUKANDA USANDU WA ZAMBI 1975

¹ Muze achipatwile ngwo, Mutwenda mu ulungu ku Italia, akunjikile Paulu ni amwe funge akwo kuli kapitau, jina lienyi Juliu, wa ku chihuji cha Angusetu.

Mukanda Wa Zambi 1970

¹ Muze habatula ngwo, mutwenda mu ulungu ku chifichi cha Italia, yaakunjika Paulu ni funge akwo kuli mwata wa tujita, jina lienyi Juliu, wa ku mbunga ya tujita yize anavuluka ngwo, Mbunga ya mwanangana wa Aroma,

Yilinga 27:1 Iomraidhean Croise

Ubutukilo 50:20

Nyi yenu, e, nwangunyongenene chipi, alioze Zambi wangupalilecho chipema, hanga akachilinge akafunge atu anji ni mwono; chocho chapwa musono.

Miaso (Masamu) 33:11

Alioze yiyulo ya Yehova yakola mbe ku miaka ya mutolo; manyonga a mbunge yenyi akola ndo ku yisemuko yeswe.

Miaso (Masamu) 76:10

Chamwenemwene ufwatulo wa atu muwiza kukuhalisa. Ufwatulo wasalaho mukalijichikawo.

Yishima 19:21

Kutaka chinji chili mu mbunge ya mutu; alioze yiyulo ya Yehova yenayo muyikakola.

Lungungu 3:27

Chinapeme mutu akalitwike kanga ha ukweze wenyi.

Daniel 4:35

Akwa hashi eswe kapwa ngwe nichimwe; iye kakulinga upale wenyi hakachi ka akwa mwilu ni hakachi ka akwa hashi. Iya makwika kwoko lienyi, hanji mamwamba ngwenyi, Yika unalingi?

Mateu 27:54

Achi, kapitau ni waze apwile hamwe nenyi, nikufunga Yesu, muze amwene minyiko ni yuma alingile, evwile woma kuhiana, ngwo, Chamwememwene yono mwe Mwana Zambi.

Luka 23:47

Muze kapitau amwene chize alingile, wachichimiekene Zambi ngwenyi, Chamwenemwene yono mukwa ululi.

Luka 7:2

Ndungo ya umwe kapitau, mulemu kuli iye, Wayijile, te wambile kufwa.

Yilinga 10:1

Kwapwile umwe lunga mu Sesarea, jina lienyi Koneliu, kapitau ka mukana wa maswalale uze anauvuluka ngwo, Wa Halia,

Yilinga 10:22

O ambile ngwo, Koneliu, kapitau, mukwa ululi, mukwa kwivwa woma wa Zambi, kakumushindakenya ku vungu lieswe lia A-Yunda, kanakamwambulwila kuli mungelo musandu kukusaka, wize ku zuwo lienyi, akevwe maliji kuli yena.

Yilinga 16:10

Muze te hamona usolwelo, haze hene twafupile kukatuka mukuya ku Masendoniya, nikunyonga ngwetu, Zambi hatutambika kwambujola sango lipema kuli ayo.

Yilinga 18:2

Wawanyine umwe Ka-Yunda, jina lienyi Akwila, mukwa Ponta ku munyachi wenyi, te hakatuka shimbu likepe wika ku Italia, ni mukwo-pwo Prisela; mumu te Kelautiu hahana shimbi A-Yunda eswe akatuke ku Roma: iye walifutwile no;

Yilinga 19:21

Muze yino yuma yamanunukine, Paulu wahalile mu Spiritu kuya ku Yerusaleme, muze hapalika ndusu mu Masendoniya ni mu Akeya, ngwenyi, Kulutwe lia chize changutamba kumona Roma nawa.

Yilinga 21:32

Hohene watwalile hamwe nenyi maswalale ni tupitau, wapalumukine fuji kuli ayo: o muze amwene manjolo ni maswalale alitwaminyine kulamba Paulu.

Yilinga 22:26

Muze kapitau achivwile, wayile akachambulule kuli manjolo ngwenyi, Kuchi unambe kulinga? Mumu yono mutu Ka-Roma.

Yilinga 23:11

Alioze ufuku uze, Mwene wamanyine hehi nenyi, wambile ngwenyi, Hamuka chikolo, Paulu; mumu chizechene ngwe hiunashindakenya ha kutwala kuli yami ku Yerusaleme, chocho Chakutamba kushindakenya ku Roma nawa.

Yilinga 23:17

Paulu watambikile umwe wa kuli tupitau, wambile ngwenyi, Twalenu mukweze yono kuli manjolo; mumu chuma chimwe ali nacho kumwambulwila.

Yilinga 24:23

Iye wambile kapitau akafunge Paulu, alioze amulweze vumbi, kanda akakwika niumwe wa kuli tusendo twenyi kumuvumbika.

Yilinga 25:12

Hohene Fesetu, muze te hahanjika ni akwa kuyula, wakumbulwile ngwenyi, Hiwalikunjika kuli Sesare: kuli Sesare kumukaya.

Yilinga 25:25

Alioze nawanyine ngwe kalingile nichimwe cha kutela kufwa. Se iye mwene waukunjikile kuli Angusetu, napatwile kumutuma.

Yilinga 27:11

Alioze kapitau wapanjikile kuli mukwa kusongwela ulungu ni mwenya ulungu, hi ku yuma yize ko ambile Paulu.

Yilinga 27:43

Alioze kapitau, nikuzanga kulamwina Paulu, waachijile ku upale wo; wambile waze ahashile kusányika alimbile hatangu mu meya, ahete hashi;

Yilinga 27:6

Kuze kapitau wawanyine ulungu wa ku Alezandre himuuya ku Italia; iye watunjishilemo.

Yilinga 28:1

Muze te hatulamwina, hohene twasele chinyingi jina lia tungu ngwo, Melita.

Yilinga 28:16

Muze twahetele ku Roma, kapitau wakunjikile funge kuli jenerale ya chilombo cha maswalale; alioze atayijile Paulu kutwama ukawenyi hamwe ni swalale yoze wamufungile.

Hebreu 13:24

Menekenu tusongo twenu eswe, ni asandu eswe. Akwa Italia kananumeneka.