Yilinga 26:9 - MUKANDA USANDU WA ZAMBI 1975

⁹ Yami chamwenemwene nashinginyekene changutamba kulinga yuma yinji ya kulimika ni jina lia Yesu Ka-Nazare.

Mukanda Wa Zambi 1970

⁹ “Chamwenemwene, yami mwene nanyongene ngwami, Changutamba kulinga yuma yeka ni yeka ha kujimuna jina lia Yesu Kanazare.

Yilinga 26:9 Iomraidhean Croise

Yoano 15:21

Alioze yino yuma yeswe makalinga kuli yenu, mumu ha jina liami, mumu kanyingikine yoze wangutumine.

Yilinga 21:13

Alioze Paulu wakumbulwile ngwenyi, Kuchi nunalingi, nikulila, nikushiha mbunge yami? Mumu ngunahase hi kukashiwa wika ko, alioze kufwa nawa ku Yerusaleme ha jina lia Mwene Yesu.

Yilinga 22:3

iye yamba ngwenyi, Yami nguli Ka-Yunda, nasemukine mu Tarsu, limbo lia mu Selishia, alioze nafumbiwile mu limbo lino ku yiliato ya Ngamaliele, nalongolokele nikulita ni cheseko cha pundu cha shimbi ya tulamba twetu, nikusela mbunge yami yeswe hali Zambi, ngwe yenu eswe nwakulinga tangwa lino.

Yilinga 22:4

Nahungumionene Jila yino ndo ku kufwa, nikwakasa, nikukunjika ku mazuwo ja ususu, ni malunga ni mapwo.

Yilinga 22:8

Nakumbulwile ngwami, Mwene, yena iya? Iye wambile kuli yami ngwenyi, Yami Yesu, Ka-Nazare, yoze yena unamuhungumiona.

Yilinga 24:5

Mumu hitunawane yono lunga koki, mukwa kuvundula hakachi ka A-Yunda eswe mu yifuchi yeswe ya hashi, ni mukwa lutwe wa mbunga ya A-Nazereno:

Yilinga 3:17

Haliapwila, mandumbu, ngunanyingika nwachilingile ni kwalajala, ngwe nawa akwa kuyula jenu;

Yilinga 3:6

Petulu wambile ngwenyi, Prata ni oru chishi nayo; alioze chize nguli nacho ngunakwehe: mu jina lia Yesu Kristu Ka-Nazare, katuka, wende.

Yilinga 9:1

Alioze Saulu hindu machihwilijela kwomisa nikushiha hali tumbaji twa Mwene, wayile kuli sasendote mukwa lutwe,

Yilinga 9:16

mumu mungukamulweza lamba lize linji chamutamba kwivwa mumu ha jina liami.

A-ROMA 10:2

Mumu nakushindakenya hali ayo ngwami, Kulinga ni mbunge yeswe hali Zambi kali nacho, alioze hi nikulita ni chinyingi ko.

Filipu 3:6

Ha kutwala ku kulinga ni mbunge yeswe nahungumionene chikungulwila; ha kutwala ku ululi uze uli mu shimbi, te chishi chitela.

1 Timoteu 1:13

chipwe napwile kunyima mukwa kushililika Zambi, mukwa kuhungumiona, mukwa kupopolola: alioze nawanyine keke, mumu nachilingile ni kwalajala, nikuhona Ufulielo.

Akwa Kuyula 6:30

Mba malunga a chihunda yamba kuli Njoashe ngwo, Neha mwané akafwe, mumu hapuzula chilumbilo cha Mbale nikuteta e Ashera aliko.