Yilinga 26:7 - MUKANDA USANDU WA ZAMBI 1975

⁷ ku chilakenyo chino minyachi yetu kumi ni yiali, eswe lukombo nikulingila Zambi ni mbunge yeswe ufuku ni mwalwa, kakutalatala kuhetako, mba ha kutalatala chino ngunasumiwa kuli A-Yunda, mwanangana!

Mukanda Wa Zambi 1970

⁷ Mavungu jetu kumi ni aali kaakusa ko mbunge ha kumanununa cha chilakenyo chino nikulingila Zambi ufuku ni mwalwa. Mwanangana, ha che kusako mbunge, kashika Ayuda anangusumina mulonga.

Yilinga 26:7 Iomraidhean Croise

Ezra 6:17

Yalambula ha kutumbikila ku usandu cha zuwo lino lia Zambi kulakaji lia kuji a ngombe, ni kulakaji aali a kuji a mapanga, ni kulakaji awana a ana-mapanga. Mulambu ha shili hali A-Izalele eswe, ashihile kumi lia kuji a pembe, ni kuji a pembe aali nikulita ni kwalula cha minyachi ya Izalele.

Ezra 8:35

Akwa unjize waze akatukile ku chifuchi cha mbala alambwile milambu ya kulumba kuli Zambi ya Izalele; kumi lia kuji a ngombe ni kuji aali hali A-Izalele eswe; makumi livwa a kuji a mapanga ni kuji asambano; makumi shimbiali a ana-mapanga ni anamapanga shimbiali; ni kumi lia kuji a pembe ni kuji aali mulambu ha shili. Chino cheswe chapwile mulambu wa kulumba kuli Yehova.

Miaso (Masamu) 135:2

Yenu nwakumana mu zuwo lia Yehova, mu yize ya zuwo lia Zambi.

Mateu 19:28

Yesu ngwenyi, Pundu ngwami, Yenu hinunangukaula, ha kupwisa chaha cha yuma yeswe, muze mwe Mwana Mutu makatwama ha ngunja yenyi ya uhenya, ni venu nawa kumunukatwama ha kumi lia ngunja ni ngunja jiali, nikupatwila kumi lia mavungu ni mavungu aali a Izalele.

Luka 2:25

Kumanyi, mwapwile umwe lunga mu Yerusaleme, jina lienyi Semone; yono lunga wapwile mukwa ululi, mukwa kuwayila Zambi, kanatatatata kulembejeka cha Izalele: ni Spiritu Musandu wapwile hali iye.

Luka 22:30

Hanga nukalile, nukanwine ku mesa yami mu wanangana wami. Kumunukatwama ha ngunja nikupatwila kumi lia mavungu ni mavungu aali a Izalele.

Yilinga 20:31

Kashika lenu, iwulukenu ngwe ha miaka yitatu, ufuku ni mwalwa, chalitwaminyine kukanyamisa mweswe wa kuli yenu ni masoji.

Yilinga 24:15

nguli ni kutalatala kuli Zambi, chize ayo ene nawa kanachilawoka, ngwe kumukukapwa Uhindukilo wa eswe aali, ni akwa ululi ni yihenge.

Yilinga 26:2

Ngunawaha, mwanangana Akripa, se mungulisambisa kumeso je tangwa lino ha yuma yize yeswe ngunasumiwa nayo kuli A-Yunda.

Yilinga 26:3

Kuhiana chikolo mumu te yena uli mukwa kunyingika ndako jeswe ni yihula yeswe ya A-Yunda: kashika ngunaliumbu kuli yenu, ungwivwe ni uhumikizo.

Yilinga 28:20

Kashika ha chikuma chino hinanutambika nwize kuli yami, ngunumone, nguhanjike ni yenu: mumu ha kutalatala cha akwa Izalele ngunakashiwa ni lenge lino.

Filipu 3:11

kachi ngukahete kama ku Uhindukilo hakachi ka afu.

1 Tesalonika 3:10

ufuku ni mwalwa, ni kuliumba chikolo, hanga tukamone meso jenu, hanga tukapwise chingunu chize chinahono ku Ufulielo wenu?

1 Timoteu 5:5

Achi, yoze chamwenemwene mapwa twamishi, hanamuhichika ukawenyi, kakutalatala hali Zambi, nikunyongonona mu kuliumba ni kulemba ufuku ni mwalwa.

Tiangu (Jake) 1:1

Yami Tiangu, ndungo ya Zambi kanda ya Mwene Yesu Kristu, Ku mavungu kumi ni aali aze anamwangashana kweswe: Ngunanumeneka.