Yilinga 26:5 - MUKANDA USANDU WA ZAMBI 1975

⁵ o angunyingikine kunyima chize ku uputukilo wawo, kachi matá kushindakenya, ngwe nikulita ni mbunga ya kuzeyela chikolo ku uwayilo wetu, napwile Ka-Fwariseu.

Mukanda Wa Zambi 1970

⁵ Kaanangunyingika kulu. Maahasa kushindakenya, nyi kaanazange. Nguli wa ku mbunga yize ya Afariseu, waze akwete tachi jahiana ja kuwayila Zambi.

Yilinga 26:5 Iomraidhean Croise

Yilinga 15:5

Alioze kwakatukile amwe a ku mbunga ya A-Fwariseu, waze afulielele, ngwo, Chatamba kwapwisa ngalami, ni kwaamba akafunge shimbi ya Mose.

Yilinga 22:3

iye yamba ngwenyi, Yami nguli Ka-Yunda, nasemukine mu Tarsu, limbo lia mu Selishia, alioze nafumbiwile mu limbo lino ku yiliato ya Ngamaliele, nalongolokele nikulita ni cheseko cha pundu cha shimbi ya tulamba twetu, nikusela mbunge yami yeswe hali Zambi, ngwe yenu eswe nwakulinga tangwa lino.

Yilinga 22:5

Chizechene ngwe sasendote mukwa lutwe, ni makulwana eswe kanangushindakenya: kuli ayo nawa natambwile mikanda kuli mandumbu, nayile wenyi ku Ndamaseku, mukuneha waze nawa apwileko a kukasa ku Yerusaleme, akaalambe.

Yilinga 23:6

Alioze muze Paulu anyingikine ngwenyi, Chihanda chimwe chapwile cha A-Satuseu ni chikwo cha A-Fwariseu, wakololokele mukachi ka akwa kuyula ngwenyi, Mandumbu, yami nguli Kar-Fwariseu, mwana Ka-Fwariseu: kanangusopesa ha kutwala ku kutalatala cha Uhindukilo wa afu.

Yilinga 24:14

Alioze chino ngunatayiza kuli yena, ngwami, Nikulita ni Jila yize o anavuluka ngwo, Kuhandununa, chocho nakulingila Zambi ya tulamba twetu, nikufuliela yuma yize yeswe ya kulita ni shimbi, ni yize yinasonewa mu mikanda ya aprofeta;

Yilinga 24:5

Mumu hitunawane yono lunga koki, mukwa kuvundula hakachi ka A-Yunda eswe mu yifuchi yeswe ya hashi, ni mukwa lutwe wa mbunga ya A-Nazereno: