Yilinga 26:3 - MUKANDA USANDU WA ZAMBI 1975

³ Kuhiana chikolo mumu te yena uli mukwa kunyingika ndako jeswe ni yihula yeswe ya A-Yunda: kashika ngunaliumbu kuli yenu, ungwivwe ni uhumikizo.

Mukanda Wa Zambi 1970

³ Kuhiana chikolo mumu Unanyingika ndako jeswe ja Ayuda ni kuhamika cho. Ngunaliumbu ngwami, ungwivwe kama ni uhumikizo.

Yilinga 26:3 Iomraidhean Croise

Jeremia 32:11

Yingulambula mukanda wa kulanda munda ni Chijikilo chawo ni shimbi jawo ni yiyulo yawo, hamwe ni kopia yikwo yawashi.

Yilinga 21:21

hanaambulwila ha kutwala kuli yena, ngwe wakulongesa A-Yunda eswe hakachi ka akwa mavungu kwehuka Mose, nikwakanjisa kupwisa ngalami ana jo, nikwakanjisa kwenda nikulita ni ndako ja A-Yunda.

Yilinga 24:10

Muze nguvulu amulahwile ahanjike, Paulu wakumbulwile ngwenyi, Se ngunanyingika ngwe ha miaka yinji yena wapwa sopi ku vungu lino, ngunalisambisa ni kuwaha chahiana.

Yilinga 24:4

Alioze hanga chichi kakulinda nawa, ngunaliumbu kuli yena, utwivwe kama hakepe ni umbovu we.

Yilinga 25:26

Hali iye, chuma chimwe cha pundu chishi nacho cha kusoneka kuli mwene wami. Kashika hinamuneha kumeso jenu, nikuhiana chikolo kumeso je, mwanangana Akripa, hanga kulutwe lia kusopesa, ngukapwe ni chuma chimwe cha kusoneka.

Yilinga 26:2

Ngunawaha, mwanangana Akripa, se mungulisambisa kumeso je tangwa lino ha yuma yize yeswe ngunasumiwa nayo kuli A-Yunda.

Yilinga 26:26

Mumu mwanangana unanyingika yino yuma, kuli yena nawa ngunahanjika mwazu: mumu ngunakunuka ngwami, Nichimwe cha yino yuma kuchaswamine kuli yena; mumu chino chuma kachilingile ku tenga.

Yilinga 26:7

ku chilakenyo chino minyachi yetu kumi ni yiali, eswe lukombo nikulingila Zambi ni mbunge yeswe ufuku ni mwalwa, kakutalatala kuhetako, mba ha kutalatala chino ngunasumiwa kuli A-Yunda, mwanangana!

Yilinga 28:17

Kulutwe lia matangwa atatu Paulu watambikile waze apwile akwa lutwe a kuli A-Yunda, alikungulule. Muze akungamine, wambile kuli ayo ngwenyi, Yami, mandumbu, chipwe chalingile nichimwe cha kulimika ni atu, hanji ni ndako ja tulamba, hindu ku Yerusaleme amukunjikile funge ku moko ja A-Roma:

Yilinga 6:14

Mumu twamuvwile nikwamba ngwenyi, Yono Yesu Ka-Nazare kumakonwona kuma kuno, iye kumakalumuna ndako jize atukunjikile Mose.

1 Korintu 13:2

Chipwe mungupwa nikuprofeteza, chipwe mungunyingika yijimbikilo yeswe, ni yinyingi yeswe; chipwe mungupwa ni Ufulielo weswe, chocho munguhasa kututulula milundu, alioze kachi chishi zango, ngunapu wamokomoko.

Shimbi 17:18

Mba muze hatwama ha ngunja ya wanangana wenyi, iye akalisonekene shimbi yino mu mukanda umwe; machiza maliji ku mukanda uli kumeso ja asasendote, A-Levi.