Yilinga 26:17 - MUKANDA USANDU WA ZAMBI 1975

¹⁷ mungukupulula kuli atu ni kuli akwa mavungu, kuli ayo haliapwila ngunakutumu.

Mukanda Wa Zambi 1970

¹⁷ Mungukupulula kuli Ayuda ni kuli waze hi Ayuda ko. Mungukutuma kuli waze hi Ayuda ko,

Yilinga 26:17 Iomraidhean Croise

1 Sango Ja Mianangana 16:35

Ambenu ngwenu, Zambi ya ulamwino wetu, utulamwine kama utuchize hakachi ka mavungu nikutukonga, hanga tukasakwile ku jina lie lisandu, tukakumbe mu uhaliso we

Miaso (Masamu) 34:19

Mukwa ululi luyinda munji akwete, alioze Yehova kakumupulula ku luyinda wenyi mweswe.

Jeremia 1:19

Kumakasa jita ni yena; alioze kechi kakukumba, mumu yami nguli hamwe ni yena kukupulula. Chocho kanambe Yehova.

Jeremia 1:8

Kanda wavwila woma mumu kunguli hamwe ni yena kukupulula. Chocho kanambe Yehova.

Ezekiel 3:5

Mumu chakutumine ku vungu limwe lia limi lia tundaka, hanji kuhanjika chikalu, alioze ngunakutumu ku munyachi wa Izalele.

Yilinga 13:50

Alioze A-Yunda akapwile pichi ja mapwo akwa uwayilo alemu, ni akwa lutwe a mu limbo, o avundwile yihungumiona hali Paulu ni Mbarnavwe, aambilile haze lia manjiza jo.

Yilinga 16:39

o ejile nikuliumba kuli ayo; ni muze te haaneha haze, alembele akatuke ku limbo.

Yilinga 17:10

Mandumbu haze hene atumine Paulu ni Saila ha ufuku ku Mberia: o muze ahetele, anjilile mu sunangonga ya A-Yunda.

Yilinga 17:14

Hohene mandumbu atumine Paulu mu jila ya kuya ku kalunga-lwiji: ni Saila ni Timoteu asalileko.

Yilinga 18:10

mumu nguli hamwe ni yena, ni mutu niumwe kechi kakukwata mukukulinga chipi: mumu atu anji nguli no mu limbo lino.

Yilinga 25:3

aliumbile kuli iye akamunehe ku Yerusaleme; kanamujikinyina mukumushiha mu jila.

Yilinga 28:28

Nyingikenu kashika ulamwino uno wa Zambi hiunatumiwa kuli akwa mavungu: o nawa kumakevwa.

Yilinga 9:15

Alioze Mwene wambile kuli iye ngwenyi, Yako, mumu iye chikwachilo cha kutongola kuli yami, mukutwala jina liami kumeso ja akwa mavungu, ni mianangana, ni ana a Izalele:

A-ROMA 11:13

Mumu ngunahanjika kuli yenu, nuli akwa mavungu, mumu te yami nguli postolo wa mavungu, ngunachichimieka uvumbiko wami;

A-ROMA 15:16

Hanga ngukapwe kavumbi ka Kristu Yesu kuli akwa mavungu, nikulinga ngwe uvumbiko wa sasendote mu sango lipema lia Zambi, hanga akwa mavungu akapwe mulambu wa kupemena chikolo, kanausela ku usandu kuli Spiritu Musandu.

Galashia 2:9

muze anyingikine vumbi lize anguhele, Tiangu ni Sefwa ni Yoano, waze apwile manguji mu chikungulwila, ahanyine kuli yami ni Mbarnavwe moko ja chindume a kulikunda, hanga yetu tukaye kuli akwa mavungu, o akaye kuli akwa ungalami.

1 Timoteu 2:7

Ha chuma chino hanangusela mukwa kwambujola ni postolo (ngunahanjika umwenemwene, chahanjikile mahuza), nguli longeshi ya akwa mavungu mu Ufulielo ni umwenemwene.

2 Timoteu 1:11

Ku lino hanangusela mukwa kwambujola, ni postolo, ni longeshi ya akwa mavungu.

2 Timoteu 3:11

ni yihungumiona, ni lamba, lize lianguwanyine mu Andiakia, mu Ikoniu, mu Lesetra; yihungumiona yize nanyongonwene nayo; ni Mwene wangupulwile ku yeswe.