Yilinga 25:7 - MUKANDA USANDU WA ZAMBI 1975

⁷ Muze ahetele, A-Yunda waze apalumukine ku Yerusaleme amanyine ha kumujingilika, nikumusuma yitela yinji yikalu, yize kahashile kuyisolwela chinyingi:

Mukanda Wa Zambi 1970

⁷ Muze mwe Paulu haheta, Ayuda waze akatukile ku Yerusaleme yaamujingilika, yaabutuka kumusuma ni yitela yinji yikalu yize kaahashile kuyishindakenya ngwo, yamwenemwene.

Yilinga 25:7 Iomraidhean Croise

Ezra 4:15

akafupe mu mukanda wa Sango ja akakenu, mba munuwana mu mukanda wa sango ngwo, Chihunda chino cha uhulia; chakupinjisa mianangana ni anguvulu mba chipwe kushi avundwilemo utwahe. Ha chikuma chino apupile chihunda chino.

Estere 3:8

Mba Hamane yamba kuli mwanangana Ahashueru ngwenyi, Vungu limwe linamwangana hakachi ka yifuchi yeswe ya chiyulo chenu ni kulichinga ni mavungu akwo. Shimbi jo jalipwila ni shimbi ja mavungu eswe, chipwe shimbi ja mwanangana kajifungile. Kashika kuchatambile mwanangana kwatayiza.

Miaso (Masamu) 27:12

Kanda ungukunjika ku upale wa waze akulimika ni yami, mumu yilamikiji hanangukatukila, hamwe ni akwa kuhwilijela ni uswi.

Miaso (Masamu) 35:11

Akwa kushindakenya mahuza kanasoloka, kanangulamikiza yuma chayinyingikine.

Mateu 15:1

Henaho akwa kusonyeka ni A-Fwariseu a ku Yerusaleme ejile kuli Yesu, ngwo,

Luka 23:10

Asasendote akwa lutwe ni akwa kusonyeka amanyine nikumusuma chikolo.

Luka 23:2

O aputukile kumusuma ngwo, Twawanyine yono mutu nikuhengesa vungu lietu, nikukanjisa kufweta lijimu kuli Sesare, chikwo ngwenyi, Kristu mwanangana yami mwene.

Yilinga 21:28

akololokele ngwo, A-Izalele, tukwasenu: mwe mutu yono kakulongesa atu eswe kweswe kulimika ni e atu, ni je shimbi, ni zuwo lino; chikwo nawa, hananjisa A-Ngresia nawa mu tembele, hanachishi muma muno, musandu.

Yilinga 24:13

Chipwe yinyingi ya yuma yize anangusumu nayo haliapwila, kahashile kuyisolola.

Yilinga 25:24

Ni Fesetu wambile ngwenyi, Mwanangana Akripa, ni malunga eswe nuli muno hamwe ni yetu, nunamono yono mutu, hali iye chizavu cheswe cha A-Yunda angushinjikile, ku Yerusaleme ni ku kuno, nikukololoka hali iye, ngwo, Kuchamutambile kutwama ni mwono.

1 Tesalonika 2:16

Kakutukanjisa kuhanjika kuli akwa mavungu, kuchina maalamwina; hanga akazalise liakulu njongo ya milonga yo matangwa eswe: alioze utenu hiuneza hali ayo liakulu.