Yilinga 25:6 - MUKANDA USANDU WA ZAMBI 1975

⁶ Muze te hatwama hakachi ko, kahianyine matangwa nake, hanji kumi, wapalumukine ku Sesarea; muze hikwacha Watwamine ha chitwamo cha upatwilo, wambile anehe Paulu.

Mukanda Wa Zambi 1970

⁶ Festu yatwama matangwa nake hanji kumi hakachi ko, mba yahiluka ku Sesarea. Muze hikwacha, yatwama ha chisopelo, yahana Shimbi hanga anehe Paulu.

Yilinga 25:6 Iomraidhean Croise

Mateu 27:19

Alioze shimbu machitwama ha chitwamo cha upatwilo, mukwo-pwo watumine kuli iye, ngwenyi, Kanda ulinga nichimwe kuli yoze mukwa ululi; mumu namona lamba linji tangwa lino mu chilota mumu hali iye.

Yoano 19:13

Pilatu kashika muze evwile maliji ano, watwalile Yesu haze, Watwamine ha chitwamo cha upatwilo, haze anavuluka ngwo, Hakwalamawe, alioze mu limi lia Hepreu ngwo, Ngapata.

Yilinga 25:1

Fesetu kashika, se wahetele ku chifuchi chenyi, kulutwe lia matangwa atatu wakatukile ku Serarea, wakandukile ku Yerusaleme.

Yilinga 25:10

Alioze Paulu wambile ngwenyi, Ngunamana kulutwe lia chitwamo cha upatwilo wa Sesare, kuze chatamba angupatwile: kuli A-Yunda chalingile chipi nichimwe, chizechene ngwe yena mwene unanyingika kanawa.

Yilinga 25:17

Muze kashika akungulukile kuno chashimbwileko, alioze muze hikwacha natwamine ha chitwamo cha upatwilo, nambile anehe yono lunga.

Yilinga 25:4

Alioze Fesetu wakumbulwile ngwenyi, Ngunafungu Paulu ku Sesarea, ni yami mwene munguyako nikawashi.

Yilinga 25:5

Yamba ngwenyi, Kashika waze ni chiyulo hakachi kenu akapalumuke hamwe ni yami. Kachi muchipwa chuma chimwe cha kupiasuka muli yono lunga akamusume.

Yilinga 8:40

Alioze Fwilipe amuwanyine ku Azote: iye nikupalika ndusu wambujolele sango lipema ku membo eswe ndo wahetele ku Sesarea.

2 Korintu 5:10

Mumu chatamba akatusolole eswe kulutwe lia chitwamo cha upatwilo wa Kristu; hanga eswe akatambule yuma yize alingile mu mujimba, nikulita ni chize alingile, chipwe chipema, chipwe chipi.

Tiangu (Jake) 2:6

Alioze yenu hinunasaula chiswale. Pichi keshi kunumwesa lamba, nyi? Keshi kunukoka ku usopelo, nyi?